QR Ǵylym jáne joǵarǵy bilim ministri Saiasat Nurbek Nazarbaev Ýniversitetiniń tóńiregindegi daý-damaiǵa pikir bildirip, oqý ordasynyń qazirgi jai-kúiine toqtaldy, dep habarlaidy Dalanews.kz.
Saiasat Nurbek Nazarbaev Ýniversitetiniń eks-rektory Shigeo Katsýdyń buǵan deiin aitqan aqparatyn joqqa shyǵardy.
"Nazarbaev ýniversiteti keńesiniń múshesi retinde aitarym, avtonomiiaǵa qatysty eshqandai ózgeris bolmaidy. Nazarbaev mektepteri men ýniversiteti týraly zań óz kúshinen arylǵan joq, ol ýniversitetke tolyqqandy avtonomiia syilaidy, tipti, biz osy tájiribeni úlgi tutyp, qazir barlyq ýniversitetterdi táýelsiz jumys isteýge itermelep otyrmyz", — dedi ministr.
Sonymen qatar ol ýniversitetti memleket esebinen qarjylandyrý toqtatylmaǵanyn atap ótti.
"QR Ǵylym jáne joǵarǵy bilim ministrligi esebinen jyl saiyn ortasha eseppen 40-43 mlrd teńge bólinedi. Odan bólek qazir endaýment fond iske qosyldy, iaǵni buǵan deiin jinalǵan aqshanyń bári qoldanysqa berildi", - dedi Saiasat Nurbek.
