ق ر عىلىم جانە جوعارعى ءبىلىم ءمينيسترى ساياسات نۇربەك نازاربايەۆ ۋنيۆەرسيتەتىنىڭ توڭىرەگىندەگى داۋ-دامايعا پىكىر ءبىلدىرىپ، وقۋ ورداسىنىڭ قازىرگى جاي-كۇيىنە توقتالدى، دەپ حابارلايدى Dalanews.kz.
ساياسات نۇربەك نازاربايەۆ ۋنيۆەرسيتەتىنىڭ ەكس-رەكتورى شيگەو كاتسۋدىڭ بۇعان دەيىن ايتقان اقپاراتىن جوققا شىعاردى.
"نازاربايەۆ ۋنيۆەرسيتەتى كەڭەسىنىڭ مۇشەسى رەتىندە ايتارىم، اۆتونومياعا قاتىستى ەشقانداي وزگەرىس بولمايدى. نازاربايەۆ مەكتەپتەرى مەن ۋنيۆەرسيتەتى تۋرالى زاڭ ءوز كۇشىنەن ارىلعان جوق، ول ۋنيۆەرسيتەتكە تولىققاندى اۆتونوميا سىيلايدى، ءتىپتى، ءبىز وسى تاجىريبەنى ۇلگى تۇتىپ، ءقازىر بارلىق ۋنيۆەرسيتەتتەردى تاۋەلسىز جۇمىس ىستەۋگە يتەرمەلەپ وتىرمىز"، — دەدى مينيستر.
سونىمەن قاتار ول ۋنيۆەرسيتەتتى مەملەكەت ەسەبىنەن قارجىلاندىرۋ توقتاتىلماعانىن اتاپ ءوتتى.
"ق ر عىلىم جانە جوعارعى ءبىلىم مينيسترلىگى ەسەبىنەن جىل سايىن ورتاشا ەسەپپەن 40-43 ملرد تەڭگە بولىنەدى. ودان بولەك ءقازىر ەنداۋمەنت فوند ىسكە قوسىلدى، ياعني بۇعان دەيىن جينالعان اقشانىڭ ءبارى قولدانىسقا بەرىلدى"، - دەدى ساياسات نۇربەك.
