Kievke qarsy keń aýqymdy agressiiada kóptegen iakýttar men Sibirden kelgen býriattar Resei armiiasynyń quramynda soǵysýda. Ýkrain Qarýly kúshteriniń qataryna ótken Gennadii Manǵataev pen Saido Homýs iakýttar men býriattardyń barlyǵy Reseidiń qulaqkesti quly emesin dáleldegisi keledi.
Býriatiiadan Ýkrainaǵa qashqan Gennadii Manǵataev (29 jasta): «Olar (jerlesterim) "orys álemi" úshin soǵysqanda meniń jaqynym bolýdan qalady. Resei úkimeti salt-dástúrimizdi umyttyryp, mádenietimizdi joimaq, joiyp ta jatyr. Ultymnyń tamyryna balta shaýyp, qurǵyn-súrginge ushyratqan Kreml úshin qan tókpeimin", - deidi.
Ýkrain áskeriniń sapynda soǵysý úshin Iakýtiiadan qashyp kelgen Saido Homýs ta (34 jasta) Genanyń pikirin qostap otyr.
"Meniń jerlesterimniń derligi máńgúrt jáne satqyn. Máńgúrtter – ótkenin esine almaityn áljýaz qulǵa ainalǵan halyq", - deidi ol (qyrǵyz jazýshysy Shyńǵys Aitmatovtyń «Ǵasyrdan da uzaq kún" atty áigili romanynan).
Manǵataevtyń aitýynsha, onyń otandastary Resei armiiasyna negizinen joqshylyqtan arylý úshin keledi.
"Úide olar aiyna 20-25 myń rýbl (200-250 eýro) alady, al áskerde 200 myń rýbl (2 myń eýro) tóleidi", - deidi Gennadii.
Ýkrain halyqaralyq legionynyń quramyndaǵy "Sibir" batalony jazda Sibirden kelgen ártúrli ulttardyń áskeri qyzmetkerlerin biriktiretin bólimshe retinde quryldy. Gena men Saido bólimshege biylǵy jyldyń qyrkúiek aiynda kelgen.
Ázir batalon quramyndaǵy jaýyngerler maidanǵa attaný úshin jattyǵý jiyndaryn ótkizýde. Batalondy soǵysqa daiyndap jatqan ýkrainalyq ofitserdiń aitýynsha, Sibirden qashyp kelip jatqan sahalar men býriattardyń sany ósý ústinde.
Iakýtiiada Resei men Qytai shekarasyndaǵy «Sibir qýaty» gaz qubyrynyń qurylysynda jumys istegen Gennadii Manǵataev Ýkrainaǵa ótken jyldyń mamyrynda kelgen.
"Men Ulan-Ýdede (Býriatiia astanasy) ne bolyp jatqanyn kórdim: búkil qala Z-svastikamen kómkerilgen, Iýnarmiia (Resei Qorǵanys ministrligi qarjylandyratyn jastar uiymy) Gitler jastary siiaqty kóshelermen júrip ótti. Men bul kórinistiń bir bólshegi bolǵym kelmedi", - dedi býriat eliniń azat uly.
Ihtiolog bolyp jumys istegen Homýs ótken kóktemde anasy qaitys bolǵannan keiin óz elinde bir kún de aialdaǵysy kelmegen.
"Men Pýtinniń úkimetin jaqsy kórýdi baiaǵyda qoiǵanmyn», - dedi ol. Iakýtiiada qanshama resýrstar bar, biraq onyń barlyǵyn bizden tartyp alýda. Biz Máskeýdiń otarymyz".
Homýstyń aitýynsha, onyń Ýkraina úshin shaiqasýynyń sebebi - Kreml rejimin joiýǵa kómektesý. "Men Reseidiń ydyrap, Iakýtiianyń táýelsizdik alǵanyn qalaimyn, osylaisha biz endi Máskeýden túsetin sýbsidiiamen ómir súrmeimiz", - deidi ol.
Tarih pániniń muǵalimi Manǵataev Reseidiń jasaǵan áreketi úshin ózin kináli sezinetinin aitady. Onyń pikirinshe reseilikter Pýtinniń bilikte uzaq otyrýǵa jol bergeni úshin ózin kináli sezinýi kerek.
"Men bolashaqta ainaǵa qarap, eń bolmaǵanda (Pýtin rejimin qulatý úshin) birdeńe jasadym dep aitqym keledi», - dep qosty ol.
Manǵataev Ýkrainaǵa osy jazda Grýziia arqyly, al Homýs Mońǵoliia arqyly kelgen. Sibir batalonynda oqý-jattyǵý júrgizetin ýkrainalyq ofitserdiń aitýynsha, Reseiden kelgen barlyq sarbazdar muqiiat tekserýden ótedi.
...
Aitqandai, Nazarbaev áýleti ońailyqpen beriser emes. Eks-prezident "Jýsannan" aiyrylǵysy kelmeidi. Tolyǵyraq:
https://t.me/dalainside/1535
