Tarihi Saýran qalashyǵy mańynda ótken festivalde kókpar, teńge ilý, qyz qýý, jamby atý jəne ləńgi tebýden júldeler sarapqa salyndy. Sonymen birge qusbegiler men tazy baptaýshylar da jurtshylyqqa kóne dástúrden syr shertti. Qyrany qalyqtap, tazysy oqtai zýlaǵan túrkistandyqtar óńirde tól mádenietimizdi jalǵastyrýshylar bar ekenin ańǵartty.
Joǵary deńgeide ótken bul mádeniet jáne óner festivaline Túrkistan oblysynyń ákimdigi men oblystyq dene shynyqtyrý jəne sport basqarmasy, Saýran jáne Otyrar aýdandarynyń ákimdikteri at salysty.
Jarys jolyna shyqqan Saýran, Otyrar aýdandary men Túrkistan men Kentaý qalalarynyń talantty sportshylary kórermenniń delebesin qozdyryp, ulttyq sport túrleri boiynsha sheberlikterin kórsetti. Kókparshylar myqtylyǵyn pash etse, mergender jambyny dál kózdep, jurtshylyqty tańǵaldyrdy.
Búginde Túrkistan oblysynda týrizm salasy qanatyn keńge jaiyp keledi. Bul rette sheteldik jáne otandyq saiahatshylarǵa tarihi eskertkishter men tabiǵatty kórsetýmen qatar ulttyq bolmysymyzdy, mádenietimizdi dáripteitin is-sharalar uiymdastyrylyp turýy tiis. Osy maqsatty kózdegen Saýran tórindegi ulttyq sport saiysy óńirdiń týrizmdegi jáne sporttaǵy zor áleýetin baiqatty.
