– Senator joldas Omarovadan jaýap aldy. Sáýle komsomoldan ketken joq. Janynyń túbinde ol áli de KSRO-da keńestik dástúr boiynsha ósken keńestik adam. Bilimi úzdik bolyp, Máskeý memlekettik ýniversitetinde oqyǵan. Biz qazirdiń ózinde AQSh-tyń júregine enip aldyq! – dep málimdedi «Natsionalnaia oborona» jýrnalynyń bas redaktory Igor Korotchenko.
Keiinirek ol Omarovanyń amerikandyq qarjy júiesine tereń enýi – reseilik arnaiy barlaý qyzmetiniń úlken jetistigi ekenin aitty.
– Bizdiń barlaý keremet jumys isteidi. Biz bilmeimiz, múmkin bizdiń komsomoldy alǵa tartyp otyrǵan AQSh prezidenti «joldas Baiden?» emes pe, – dedi Resei Federatsiiasynda ózin jetekshi áskeri sarapshysy dep sanaityn Korotchenko.
Júrgizýshi Olga Skabeeva amerikandyq senatorlar Saýleden jaýap alýǵa jetkilikti deńgeide daiyn emes ekenin jáne onda «qabiletsiz adamdar» jumys isteitinin aitty.
Eske salsaq, 18 qarasha kúni AQSh Senatynda prezident Djo Baiden usynǵan amerikalyq bank retteýshisiniń joǵary laýazymyna úmitker, etnikalyq qazaq Sáýle Omarova sóz sóiledi. Omarova ótken ómirin aqtap, tipti kommýnist emestigin de jariialaýǵa májbúr boldy.
Omarovanyń kandidatýrasyn tyńdaý kezinde AQSh-taǵy basym eki partiianyń – respýblikashyldar men demokrattardyń ókilderi bir-birimen aýyzsha «shaiqasa» ketti.
Sáýle Omarova otbasy músheleriniń birin Iosif Stalin basqaratyn kommýnistik partiia óltirgenin, al ájesi eki ret ólimnen aman qalǵanyn aitty. Keńestik totalitarizm kezinde partiiaǵa kirý mindetti boldy.
Úmitker tarihty este saqtaitynyn jáne amerikandyq ekenin maqtan tutatynyn, memlekettik qyzmetke daiyn ekenin aitty.
Derekkózi: sn.kz
