– سەناتور جولداس وماروۆادان جاۋاپ الدى. ساۋلە كومسومولدان كەتكەن جوق. جانىنىڭ تۇبىندە ول ءالى دە كسرو-دا كەڭەستىك ءداستۇر بويىنشا وسكەن كەڭەستىك ادام. ءبىلىمى ۇزدىك بولىپ، ماسكەۋ مەملەكەتتىك ۋنيۆەرسيتەتىندە وقىعان. ءبىز ءقازىردىڭ وزىندە اقش-تىڭ جۇرەگىنە ەنىپ الدىق! – دەپ مالىمدەدى «ناسيونالنايا وبورونا» جۋرنالىنىڭ باس رەداكتورى يگور كوروچەنكو.
كەيىنىرەك ول وماروۆانىڭ امەريكاندىق قارجى جۇيەسىنە تەرەڭ ەنۋى – رەسەيلىك ارنايى بارلاۋ قىزمەتىنىڭ ۇلكەن جەتىستىگى ەكەنىن ايتتى.
– ءبىزدىڭ بارلاۋ كەرەمەت جۇمىس ىستەيدى. ءبىز بىلمەيمىز، مۇمكىن ءبىزدىڭ كومسومولدى العا تارتىپ وتىرعان اقش پرەزيدەنتى «جولداس بايدەن؟» ەمەس پە، – دەدى رەسەي فەدەراسياسىندا ءوزىن جەتەكشى اسكەري ساراپشىسى دەپ سانايتىن كوروچەنكو.
جۇرگىزۋشى ولگا سكابەيەۆا امەريكاندىق سەناتورلار ساۋلەدەن جاۋاپ الۋعا جەتكىلىكتى دەڭگەيدە دايىن ەمەس ەكەنىن جانە وندا «قابىلەتسىز ادامدار» جۇمىس ىستەيتىنىن ايتتى.
ەسكە سالساق، 18 قاراشا كۇنى اقش سەناتىندا پرەزيدەنت دجو بايدەن ۇسىنعان امەريكالىق بانك رەتتەۋشىسىنىڭ جوعارى لاۋازىمىنا ۇمىتكەر، ەتنيكالىق قازاق ساۋلە وماروۆا ءسوز سويلەدى. وماروۆا وتكەن ءومىرىن اقتاپ، ءتىپتى كوممۋنيست ەمەستىگىن دە جاريالاۋعا ءماجبۇر بولدى.
وماروۆانىڭ كانديداتۋراسىن تىڭداۋ كەزىندە اقش-تاعى باسىم ەكى پارتيانىڭ – رەسپۋبليكاشىلدار مەن دەموكراتتاردىڭ وكىلدەرى بىر-بىرىمەن اۋىزشا «شايقاسا» كەتتى.
ساۋلە وماروۆا وتباسى مۇشەلەرىنىڭ ءبىرىن يوسيف ستالين باسقاراتىن كوممۋنيستىك پارتيا ولتىرگەنىن، ال اجەسى ەكى رەت ولىمنەن امان قالعانىن ايتتى. كەڭەستىك توتاليتاريزم كەزىندە پارتياعا كىرۋ مىندەتتى بولدى.
ۇمىتكەر تاريحتى ەستە ساقتايتىنىن جانە امەريكاندىق ەكەنىن ماقتان تۇتاتىنىن، مەملەكەتتىك قىزمەتكە دايىن ەكەنىن ايتتى.
دەرەككوزى: sn.kz
