Aýyl sharýashylyǵy vıse-mınıstri Saýd Arabıasy delegasıasyn ulttyq kúnimen quttyqtap, EKSPO-2017 mamandandyrylǵan kórmesine qoldaý tanytyp, belsendi qatysqandary úshin Qazaqstan Úkimeti atynan alǵys bildirdi.
«Saýd Arabıasy koróldiginiń pavılonynda usynylǵan tehnologıalar halyqaralyq kórmeniń taqyrybyn aıshyqtaı túsedi. Geografıalyq ornalasýy men klımattyq jaǵdaıynyń arqasynda Saýd Arabıasynyń kún, sý jáne jel energıasyn damytýǵa óte qolaıly. Bul el qazirdiń ózinde jasyl energıaǵa basa nazar aýdaryp otyr», – dep atap ótti vıse-mınıstr. Sondaı-aq, ol Qazaqstan men Saýd Arabıasy koróldiginiń arasyndaǵy qarym-qatynastar budan ary jıileı túserine senim tanytty. Koróldikpen jan-jaqty jáne ózara múddeli yntymaqtastyqty keńeıtý Qazaqstan syrtqy saıasatynyń negizi bolyp qala beredi.
Abdalla ıbn Abdýl-Ázız ál Saýd atyndaǵy jańartylatyn jáne atomdyq energıa ǵylymı qalashyǵynyń Prezıdenti Doktor Hashim Iamanı álem elderi bolashaq úshin energıany saqtaý, jańa tehnologıalardy paıdalaný jáne olardy tıimdi qoldaný ádisterin engizý boıynsha birlesip jumys atqarý qajettigin atap ótti.
Saýd Arabıasy koróldigi elektr energıa óndirisin kóterý jáne munaıdy qoldaný deńgeıin tómendetý maqsatynda kún men jel energıasy salalarynda 30 jobany qolǵa alypty. Olardyń jospary boıynsha, 2040 jylǵa qaraı memleket elektr energıa óndirisi úshin otyn qazbasynyń qoldanysynan bas tartýdy kózdep otyr. Saýd Arabıa pavılony eldiń álemdegi energetıkalyq tepe-teńdiginiń sapaly jáne qaýipsiz túrlenýiniń múmkindigi týraly syr shertedi. Pavılonnyń basty taqyryby «Turaqty energıa koróldigi, bolashaqtaǵy ózgeris» dep atalady. Ondaǵy ekspozısıalar kórmege kelýshilerdi memlekettiń mádenıeti, salt-dástúri jáne tarıhymen tanystyrady. Týrıser kórmeden jańa tehnologıamen qatar, eldiń tarıhymen de tanysa alady.
