Nazarbaevtyń baspasóz-hatshysy Tuńǵysh prezident kúni qarsańynda ázirlengen derekti filmniń treilerin kórermen nazaryna usyndy dep habarlaidy Dalanews.kz.
"Shtrihi k portretý" dep atalatyn derekti filmniń tusaýkeseri erteń keshki saǵat 21:40-ta "Habar" arnasynda ótedi. Muny Tvitter paraqshasy arqyly habarlaǵan Nazarbaevtyń baspasóz-hatshysy filmnen az-kem úzindi usynǵan eken.
"Adamǵa 100 paiyz senim artasyń. Janyńa jaqyn ustaisyń. Ol bolsa arqa tusyńnan taspen urady. Asa bir jiirkenishti áreket. Satqyndyq pa? Satqyndyqty esh ýaqytta keshirmeimin. Tipti týǵan-týysqanymnyń ózine aiaýshylyq tanytqan joqpyn", – deidi osy filmde Tuńǵysh prezident.
Film jelisi negizinen ótken otyz jyldy qorytyndylaýǵa qurylǵan syńaily. Nazarbaev osy kezeńdi oi eleginen ótkize otyra, otbasy máselesin de qozǵaidy.
Derekti film birneshe bólimnen turady. Tuńǵysh prezidenttyń ómiri joly men qyzmettik jyldaryn tutastai qamtityn kartinanyń rejisseri Aigúl Ádilova degen jýrnalist. Filmdi daiyndaýǵa Elbasynyń baspasóz-qyzmeti men Nazarbaev qory demeýshilik etipti.
"Siz bul filmde Nazarbaevty múlde basqa qyrynan tanisyz" – deidi áriptesimiz.
Bul Tuńǵysh prezident kúnine arnalǵan jalǵyz joba emes. Mereke kúni kórermen "Nazarbaev faktory" dep atalatyn taǵy bir derekti filmdi tamashalaityn bolady.
https://twitter.com/Aidos_Ukibay/status/1333350415241539584
