Qazaqstannyń energetika ministri Almasadam Sátqaliev basshylyq qyzmetimen qosa jaqynda ministrlik quramyndaǵy ǵylymi-tehnikalyq keńestiń (ǴTK) basshysy boldy, dep habarlaidy Dalanews.kz.
Ministrliktiń baspasóz qyzmetiniń habarlaýynsha, 2024 jyldyń 22 mamyrynda Qazaqstan Respýblikasy Energetika ministrliginde ǴTK otyrysy ótken. ǴTK quramyna memlekettik organdardyń, ǵylymi qoǵamdastyqtyń, ulttyq kompaniialar men ýniversitetterdiń ókilderi kiredi. ǴTK jumys organy - Qazaqstan Respýblikasynyń otyn-energetika kesheniniń ahýaldyq-taldaý ortalyǵy.
Otyrysta ǴTK tóraǵasy, onyń orynbasarlary tańdalyp, ǵylymi zertteýler úshin basym baǵyttardyń tizbesi bekitilgen. Qazaqstan Respýblikasynyń energetika ministri Almasadam Sátqaliev ǴTK tóraǵasy bolyp sailanǵan.
ǴTK tóraǵasynyń orynbasary retinde energetika salasyndaǵy tsifrlandyrýǵa jaýapty vitse-ministri Baqytjan Iliias taǵaiyndaldy.
Almasadam Sátqaliev 2023 jyldyń sáýir aiynan bastap energetika ministri qyzmetin atqarady. Buǵan deiin, 2018 jyldyń qyrkúieginen bastap, "Samuryq-Qazyna "ulttyq ál-aýqat qory" AQ basqarýshy direktory bolǵan (onda "KEGOC"AQ direktorlar keńesin de basqarǵan). Keiinirek, 2021 jyldyń naýryz aiynan bastap "Samuryq-Qazyna "ulttyq ál-aýqat qory” AQ basqarma tóraǵasy boldy. 2012 jyldyń qańtar aiynan bastap erterek kezeńderde ol "Samuryq-Energo"AQ basqarmasyn basqardy.
