قازاقستاننىڭ ەنەرگەتيكا ءمينيسترى الماسادام ساتقالييەۆ باسشىلىق قىزمەتىمەن قوسا جاقىندا مينيسترلىك قۇرامىنداعى عىلىمي-تەحنيكالىق كەڭەستىڭ (عتك) باسشىسى بولدى، دەپ حابارلايدى Dalanews.kz.
مينيسترلىكتىڭ باسپا ءسوز قىزمەتىنىڭ حابارلاۋىنشا، 2024 جىلدىڭ 22 مامىرىندا قازاقستان رەسپۋبليكاسى ەنەرگەتيكا مينيسترلىگىندە عتك وتىرىسى وتكەن. عتك قۇرامىنا مەملەكەتتىك ورگانداردىڭ، عىلىمي قوعامداستىقتىڭ، ۇلتتىق كومپانيالار مەن ۋنيۆەرسيتەتتەردىڭ وكىلدەرى كىرەدى. عتك جۇمىس ورگانى - قازاقستان رەسپۋبليكاسىنىڭ وتىن-ەنەرگەتيكا كەشەنىنىڭ احۋالدىق-تالداۋ ورتالىعى.
وتىرىستا عتك ءتوراعاسى، ونىڭ ورىنباسارلارى تاڭدالىپ، عىلىمي زەرتتەۋلەر ءۇشىن باسىم باعىتتاردىڭ تىزبەسى بەكىتىلگەن. قازاقستان رەسپۋبليكاسىنىڭ ەنەرگەتيكا ءمينيسترى الماسادام ساتقالييەۆ عتك ءتوراعاسى بولىپ سايلانعان.
عتك ءتوراعاسىنىڭ ورىنباسارى رەتىندە ەنەرگەتيكا سالاسىنداعى سيفرلاندىرۋعا جاۋاپتى ۆيسە-مينيسترى باقىتجان ءىلياس تاعايىندالدى.
الماسادام ساتقالييەۆ 2023 جىلدىڭ ءساۋىر ايىنان باستاپ ەنەرگەتيكا ءمينيسترى قىزمەتىن اتقارادى. بۇعان دەيىن، 2018 جىلدىڭ قىركۇيەگىنەن باستاپ، "سامۇرىق-قازىنا "ۇلتتىق ءال-اۋقات قورى" اق باسقارۋشى ديرەكتورى بولعان (وندا "KEGOC"اق ديرەكتورلار كەڭەسىن دە باسقارعان). كەيىنىرەك، 2021 جىلدىڭ ناۋرىز ايىنان باستاپ "سامۇرىق-قازىنا "ۇلتتىق ءال-اۋقات قورى” اق باسقارما ءتوراعاسى بولدى. 2012 جىلدىڭ قاڭتار ايىنان باستاپ ەرتەرەك كەزەڭدەردە ول "سامۇرىق-ەنەرگو"اق باسقارماسىن باسقاردى.
