Cybailas jemqorlyqqa qarsy is-qimyl agenttiginiń tóraǵasy Ashat Jumaǵali Nazarbaevtyń nemere inisi Qairat Satybaldyulynyń isine qatysty jańa derekterdi aitty, - dep habarlaidy Dalanews.kz.
Byltyr jemqorlyqqa qatysty 1692 qylmys tirkelip, 1324 adam áshkerelengen. Onyń 161-i túrli deńgeidegi basshylar bolyp shyqty. Osylaisha 1221 is sotqa jiberilgen.
2022 jyldan beri memleketke jáne kvazimemlekettik sektor sýbektilerine 1,02 trillion teńge (2,2 mlrd AQSh dollarynan astam) kóleminde múliktik aktivter men qarajat qaitarylǵan.
"Qairat Satybaldyulyna qatysty sotqa deiingi tergeý amaldary aiasynda biyl aqpan aiynda biýdjetke taǵy da shamamen 82,6 milliard teńge (185 mln AQSh dollary) tústi.
Budan bólek, Aqmola oblysynyń Qosshy qalasyndaǵy 942 gektar jer ýchaskesi memleketke qaitaryldy. Onyń naryqtaǵy quny 13 milliard teńgeden asady", - dedi Antikor tóraǵasy.
Al byltyr jeltoqsanda Sybailas jemqorlyqqa qarsy qyzmet qabyldaǵan sharalar nátijesinde Qairat Satybaldyulynyń jalpy somasy 120 million AQSh dollary, iaǵni 55,4 milliard teńgeden asatyn qarajat qaitaryldy. Kórsetilgen qarajat memleketke keltirilgen zalaldy óteý úshin respýblikalyq biýdjetke jiberildi.
Osylaisha, Sybailas jemqorlyqqa qarsy qyzmet keiingi 2 jylda biýdjetke jáne kvazimemlekettik sektor sýbektilerine 912 milliard teńgeden asa somaǵa aktivter men qarajatty qaitardy. Olardyń qataryna ákimshilik ǵimarattar, ekskliýzivti zergerlik buiymdar, sándi úiler, páterler men avtomobilder, aktsiialar men kompaniialardaǵy úlester, temirjol joldary men aqsha qarajattary, sonyń ishinde shetelden alynǵan qarajattar da kiredi.
Aty shýly kásipker Qairat Satybaldyulynyń isi Astana qalasy Baiqońyr aýdandyq №2 sotynda qaralǵan edi. Ol kináli dep tanylyp, 6 jylǵa sottalǵan bolatyn.
Sonymen qatar, Antikor tóraǵasy búgin esep berý barysynda "ÓKM" operatory" JShS-ne qatysty aiaqtalǵan qylmystyq ister boiynsha Qostanai jáne Qaraǵandy oblystaryndaǵy jalpy quny shamamen 20 milliard teńge bolatyn 2 zaýyt memleket menshigine ótkenin aitty.
