Búgin Sátbaev ýniversitetinde «Qazaqstan Respýblikasyndaǵy elektrondy ónerkásipti damytý» taqyrybynda dóńgelek ústel ótti. Is-sharany Elektronika, telekommýnikatsiia jáne ǵaryshtyq tehnologiialar kafedrasy uiymdastyrdy, – dep habarlaidy Dalanews.kz.
Shara akademik Dosym Súleimen atyndaǵy zalda ótken zamanaýi tehnologiialar men tehnikalyq sheshimder kórmesinen bastaldy. Kórmeden keiin talqylaý 252-aýditoriiada (TKǴ) jalǵasyn tapty. Onda salanyń damýy, importty almastyrý, jańa sheshimderdi engizý, ýniversitet pen biznes arasyndaǵy yntymaqtastyq pen kadr daiarlaý máseleleri qarastyryldy.
Is-shara barysynda «NEWTECH DISTRIBUTION» JShS tsifrlyq ónerkásip baǵytynyń jetekshisi Sen Stanislav, «RTEL Group» qarjy direktory Azamat Qýjaǵulov, «RTEL Group» ǵylymi qyzmetkeri Ajar Júnis, tehnika ǵylymdarynyń kandidaty, kafedra dotsenti Abdýllaev Muhit baiandama jasap, óz salalaryndaǵy zamanaýi jetistikter men praktikalyq tájiribelerimen bólisti.
Sondai-aq, otandyq kásiporyndarǵa arnalǵan múmkindikter, tabysty keister men tehnologiialyq transformatsiia mysaldary talqylandy. Uiymdastyrýshylar belsendi qatysqandarǵa alǵystaryn bildirip, elektrondy ónerkásiptiń damýyna qosqan úlesteri úshin rizashylyqtaryn jetkizdi.
Talqylaý barysynda aitylǵan usynystar men pikirler Qazaqstanda elektrondy ónerkásipti damytý joldaryn aiqyndap, ýniversitet, biznes jáne óndiris ókilderiniń ózara tiimdi áriptestik ornatýyna jol ashty. Bul óz kezeginde otandyq tehnologiialyq ekojúieni nyǵaitýǵa jáne básekege qabiletti ulttyq ónimder óndirýge jańa serpin beretini anyq.
Ainur Quttybaeva, Elektronika, telekommýnikatsiialar jáne ǵaryshtyq tehnologiialar kafedrasynyń qaýymdastyrylǵan professory
