Jýrnalist Rýslan Ótepbai áleýmettik jelidegi paraqshasynda otbasyndaǵy qýanyshty jańalyǵymen bólisti. Ol 2 shilde kúni jieni Temirbektiń bir jasqa tolyp, tusaýkeser toiy ótkenin aitty, dep habarlaidy dalanews.kz.
Jýrnalistiń sózinshe, jieniniń tusaýyn kesý baqyty ózine buiyrǵan.
"Ardaqty aǵaiyn, 2 shilde kúni otbasymyzda úlken qýanysh boldy. Jienim Temirbek bir jasqa tolyp, quda-qudaǵi tusaýkeser toiyn ótkizdi. Naǵashysy retinde tusaýyn kesý baqyty maǵan buiyrdy", – dep jazdy ol.
Rýslan Ótepbai qaryndasy men kúieý balasynyń alǵashqy qýanyshyna aq tilegin arnady.
"Qaryndasym men kúieý balamnyń alǵashqy qýanyshy qutty bolsyn! Alla Taǵala Temirbekke uzaq ǵumyr, denine saýlyq, baq-bereke násip etsin. Jienim bir áýlettiń ǵana emes, alty Alashtyń azamaty bolyp óssin!" – dedi jýrnalist.
