Túrkistan oblysynyń Saryaǵash aýdanynda tolassyz jaýǵan jaýyn saldarynan tórt aýyldy sý basty, dep habarlaidy dalanews.kz.
Tasqyn sý Darbaza, Erdáýit, Aqúi jáne Jańatalap aýyldaryna jetip, eki eldi mekendegi 15 úidiń aýlasy men alty kósheni sý basqan.
Oqiǵa ornyna Tótenshe jaǵdailar departamentiniń qutqarýshylary, jergilikti atqarýshy organ ókilderi jáne politsiia qyzmetkerleri jumyldyryldy. Arnaiy tehnika men motopompalardyń kómegimen sý sorylyp, Saryúisin kanalyna buryldy.
Tótenshe jaǵdailar departamenti málimetinshe, Darbaza, Aqúi jáne Jańatalap aýyldarynda sý sorý jumystary tolyq aiaqtalǵan. Al Erdáýit aýylynda tasqyn sýdy shyǵarý jumystary áli de jalǵasyp jatyr.
Vedomstvonyń aqparatyna súiensek, oqiǵa ornynda 30 qutqarýshy, 10 motopompa, úsh arnaiy tehnika, sondai-aq, jergilikti atqarýshy organnyń 16 qyzmetkeri men alty tehnikasy jumys istep jatyr.
520 tekshe metr sý sorylyp, turǵyn úilerdiń aýlalaryn qorǵaý úshin 60 qap tóselgen.
