Kerbulaq aýdanyndaǵy Saryózek aýyly 18 sáýirde saǵat 00:00-den bastap, 1 mamyrǵa deiin karantinge jabylady, dep habarlaidy Dalanews.kz.
Almaty oblysy ákiminiń baspasóz qyzmeti bergen aqparatqa sai, Saryózek aýylynda karantin rastalǵan koronavirýs juqtyrý jaǵdailary tirkelýi sebepti jáne qaýipti infektsiianyń odan ári taralýyna jol bermeý maqsatynda engiziledi.
Oblystyń bas sanitarlyq dárigeri Saryózek aýyly men barsha Kerbulaq aýdany boiynsha qozǵalysty shekteý jáne sanitarlyq-dezinfektsiialyq sharalardy kúsheitý týraly qaýly qabyldady.
Saryózek aýylynyń turǵyndaryna asa qajet jaǵdailar, azyq-túlik pen dári-dármek alýdan basqa maqsatpen úiden shyǵýyna tyiym salynady, biraq ondai jaǵdaida ár úiden bir adam ǵana syrtqa shyǵa alady.
Karantin tártibin buzǵan tulǵalar QR zańnamasyna sai ákimshilik jazaǵa tartylady.
