"Saryarqa" arnaiy ekonomikalyq aimaǵy basqarmasynyń tóraǵasy bolyp Dáýlet Ábdýáliuly Oralov taǵaiyndaldy.Bul týraly Qaraǵandy oblysy ákimdiginiń baspasóz qyzmeti aqparat taratty, dep habarlaidy Dalanews.kz.
Dáýlet Oralovtyń joǵary zańgerlik jáne qarjylyq bilimi bar. Ár jyldary memlekettik jáne jeke qurylymdarda jaýapty laýazymdardy atqardy.
Eńbek jolyn 2012 jyly Almaty qalasy Ádilet departamentinde memlekettik satyp alý bóliminiń mamany bolyp bastaǵan. Sodan keiin "Almaty" ÁKK-de jobalaý menedjeri, "Alan Parking" JShS bas direktorynyń orynbasary, "Almaty" ÁKK-de jobalardy basqarý jáne investitsiialar tartý departamentiniń direktory qyzmetin atqardy.
2018–2021 jyldary Dáýlet Oralov Almaty oblysy ákiminiń kómekshisi boldy.
Keiingi jyldary ónerkásip sektorynda - "Aluminium of Kazakhstan" JShS basqarýshy direktory, "Petro Premium Service" JShS bas direktory bolyp jumys istedi.
2023 jylǵy qazannan bastap osy kúnge deiin "Qazaqtelekom" AQ-da eńbek qaýipsizdigi jáne eńbekti qorǵaý jónindegi biznes-jattyqtyrýshy jáne menedjer laýazymdaryn atqardy.
Buǵan deiin elimizdiń qos óńirinde memlekettik kirister departamenti basshylary aýysqanyn jazǵanbyz.
