Saryaǵashtaǵy qos aýyl aýyz sýmen qamtamasyz etildi
Darbaza aýyldyq okrýginiń Qurysai eldi mekeniniń 30 abonent, Qurkeles aýyldyq okrýginiń Jańaaryq eldi mekenindegi 420 abonent tolyq aýyz sýmen qamtamasyz etildi.
Jalpy aýdanda 154 eldi meken bolsa, onyӊ 69 eldi mekeni aýyz sýmen qamtylǵan. Al 2017 jylǵa 32 eldi mekenge aýyz sý tartý maqsatynda jobalyq smetalyq qujattary daiyndalýda.
Sońǵy jyldary memlekettik baǵdarlamalardyń aiasynda aýyldy jerlerdegi aýyz sý máselesi oń sheshimin taýyp keledi. Memleket basshysy Nursultan Nazarbaev ta óziniń ár jyldaǵy Joldaýlarynda aýyldy jerdegi halyqty sapaly aýyz sýmen qamtý máselesin jii aityp kele jatqany belgili.
Iá, sý – barynsha shekteýli resýrs jáne onyӊ kózderin ielený úshin kúres jer betindegi shielenis pen janjaldar sebepteriniӊ biri retinde, qazirdiӊ ózinde geosaiasattyӊ asa maӊyzdy faktoryna ainalyp otyr.
Sýmen qamtamasyz etý problemasy bizdiӊ elimizde de ótkir bolyp otyr. Bizge sapaly aýyz sý jetispeidi. Birqatar óӊirler onyӊ zardabyn qatty tartýda.
Bul problemanyӊ geosaiasi astary da joq emes. Qazirdiӊ ózinde biz transshekaralyq ózenderdiӊ sý resýrstaryn paidalanýda birqatar máselelermen betpe-bet keldik. Atalǵan máseleniӊ kúrdeliligine qaramastan, biz ony saiasattandyrýǵa jol bermeýge tiispiz.
Saryaǵash aýdany ákiminiń baspasóz qyzmeti
