Saryaǵash qalasyndaǵy Ospanov kóshesi men «Telemunara» shaǵynaýdanynda «Jaily mektepterdiń» qurylysy júrgizilýde. Aýdan basshysy Arman Abdýllaev qurylys jumystarymen tanysty, dep habarlaidy Dalanews.kz Túrkistan oblysy ákiminiń baspasyz qyzmetine silteme jasap.
Aldymen aýdan basshysy Ospanov kóshesiniń boiyndaǵy bilim berý ordasynyń qurylys jumystaryn baqylady.
Búginde mektep ǵimaratynyń ishki sylaq jumystary men ishki elektr júiesi júrgizilip, sport zalyna ferna ornatylýda. Jalpy qurylys jumystaryna 35 adam jumyldyrylǵan.
Odan soń Telemunara shaǵyn aýdanynda salynyp jatqan «Jaily mekteptiń» qurylys jumystarynyń barasy saralady.
Mektep ǵimaratynyń ishin sylaý, ishki elektr júielerin jáne ishki jeldetý júiesiniń qoraptary ornalastyrylý jumystary júrgizilýde. Parepettiń temir oramalary qoiylyp, jylý júiesiniń ǵimaratqa kirgizý joly qazylyp qubyrlar ornatylýda. Sondai-aq bilim berý ordasynyń káriz júiesiniń júrgizý tolyq aiaqtalyp, aýyz sý júiesiniń polietilen qubyrlary ornatylyp, qysymmen tekserý jumystary atqarylýda. Jalpy qurylys alańynda 130 adam qurylys jumystaryn júrgizýde.
Odan bólek Jaskeshý eldi mekeninde ornalasqan «Jaily mekteptiń» qurylys jumystaryn aralap kórgen aýdan basshysy merdiger mekeme ókiline birqatar kemshilikterdi atap ótip, qurylysty ýaqytynda aiaqtaýdy tapsyrdy.
Sonymen qatar, Derbisek eldi mekenindegi 900 oryndyq mektep ǵimaratynyń qurylys alańynda bolyp, merdiger mekeme ókiline qurylys jumystaryn sapaly jáne merziminde aiaqtaýdy, sondai-aq qurylys jumystaryna sapaly materialdardy qoldaný kerek ekendigin eskertti.
Búgingi kúnde Derbisektegi «Jaily mekteptiń» ǵimaratyna ishki árleý jumystary bastalǵan. Ǵimarattyń ishki santehnika jine elektr júielerin júrgizý júmystary atqarylýda. Sonymen qatar, mektep ǵimaratyna esik jáne edenge kafel ornalastyrý jumystary júrgizilýde. Jalpy qurylys alańynda 190 qurylysshy jumyldyrylǵan.
Aita ketsek, Memleket basshysynyń tapsyrmasymen úsh aýysymdy, apatty jaǵdaidaǵy eski mektepter máselesin sheshý baǵytynda «Jaily mektep» pilottyq ulttyq jobasy ázirlendi. Joba sheńberinde zamanaýi mektep ǵimaratynyń qurylysy júrgizilip, aýyl jáne qala mektepteriniń aiyrmashylyǵyn edáýir azaitý kózdelgen. Joba aiasynda Saryaǵash aýdanynda 10 mektep salý josparlanǵan.
