Búgin jastar arasynda aýdan ákimi kýbogy úshin «IQ BATTLE» zıatkerlik saıys ótti. Saıysta aýdan ákiminiń orynbasary A.Qozybaev sóz alyp, saıysqa qatysýshylarǵa sáttilik tiledi. Bilimdiler saıysyna aýdan aýmaǵyndaǵy jastardan quralǵan 22 komanda qatysyp, ózara myqtyny anyqtady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Tartysty ári qyzyqty ótken bilimdiler saıysynda júldeli 3-oryndy №4 mamandandyrylǵan mektep-ınternatynyń «DDD Triple D» komandasy ıelense, 2-oryndy Jartytóbe aýyldyq okrýgi T.Ospanov atyndaǵy jalpy orta mektebiniń «Tamasha like» komandasy ıelense, al 1-oryndy «Aýdan ákiminiń kýbogin» «Konına Power» komandasy ıelenip, qanjyǵasyna baılady.

Saıysta «Jas Qazaq» komandasy «Jeńiske degen jiger» nomınasıasyn ıelense, «Aımaýytov qyrandary» «Úzdik kıim úlgisi» nomınasıasyn jeńip aldy. Barsha qatysýshy komandalarǵa aýdan ákiminiń arnaıy dıplomdary jáne baǵaly syılyqtar tabystaldy.

Aıta ketsek, zıatkerlik oıynnyń maqsaty – daryndy jastardy anyqtaý, olardyń tanymdyq qyzyǵýshylyqtaryn oıatý arqyly bilim deńgeıin kóterý. Sondaı-aq, jastardyń bos ýaqytyn tıimdi paıdalanýǵa yqpal etý.