Birikken Arab Ámirlikteriniń Shardja qalasynda Qazaqstan azamattary Aqjan jáne Juldyz Bohanovalar qaza tapty. Bul aqparatty Qazaqstannyń Syrtqy ister ministrligi rastady, dep habarlaidy dalanews.kz.
SIM málimetinshe, qazir eki qazaqstandyqtyń qaza bolý jaǵdaiyn BAÁ-niń quzyrly organdary anyqtap jatyr.
«Qazaqstandyqtardyń qaza bolý jaǵdaiyn BAÁ-niń quzyrly organdary anyqtap jatyr», – dep habarlady ministrlik.
Qazaqstannyń Dýbaidaǵy Bas konsýldyǵy marqumdardyń otbasylaryna qajetti konsýldyq kómek kórsetip jatyr. Atap aitqanda, diplomattar qujattardy rásimdeý jáne BAÁ bilik organdarymen ózara bailanys ornatý máselelerine kómektesýde.
Marqumdardyń ápkesiniń aitýynsha, is boiynsha kúdikti ustalǵan. Sondai-aq ol áleýmettik jelide boljamdy kúdiktiniń sýretin kórsetken.
