Analitika jáne ekonomika salasyndaǵy sarapshy Qanat Ospanov ýtilmalym daýyna qatysty pikir bildirdi, - dep habarlaidy Dalanews.kz.
«Keiingi kezderi ýtilalym máselesi qaitadan qyzý talqylana bastady. Negizi bul máselege qatysty túrli kózqaras bar. Mysaly avtokólik ónerkásibine mamandanǵan «SemAZ» zaýytynyń qyzmetkerleri Qazaqstan úkimetine úndeý jasaǵan. Olar elimizdegi otandyq óndiristi qorǵaý keregin jáne damytý qajet ekenin aitty. Jumysshylardyń sózinshe, ýtilalymdy alyp tastaýdyń saldarynan olar jumyssyz qalyp qana qoimai, kólik jasaý salasymen qatar damý múmkindiginen de aiyrylýy múmkin.
Osylaisha olar basqa tabys kózin izdeýge nemese shetelge jumys isteýge ketýge májbúr bolatynyn basa aitty.
Demek bul problema olardyń qarjylyq jaǵdaiyna aitarlyqtai áser etedi degen sóz. Tipti keibir belsendilerdiń áreketi úkimettiń ǵana emes, qarapaiym jumysshylardyń da ashýyna tie bastaǵandai. Onyń ústine «Halyq tabysynyń ósýi jáne ónerkásiptiń damýy úshin» degen petitsiia paida bolǵan. Petitsiia avtorlary jergilikti óndiristi damytý jáne qoldaý arqyly kiristi arttyrý qajet ekenin talap etedi. Petitsiiaǵa 12 myń adam qol qoiyp úlgergen. Demek bul osy máselede pikirler ártúrli ekenin, jaǵdai shielenisip bara jatqanyn kórsetedi.
Ýtilalym - otandyq óndiristi damytýǵa yqpal etetin mańyzdy qural. Biraq bul tólemniń ádil bolýy da mańyzdy. Árine ishki naryqty qorǵaý da basty ról atqarady. Ishki naryqty importtyq ústemdikten qorǵaý jáne otandyq óndirýshilerdi yntalandyrý qajet. Otandyq óndiristiń belsendi damýy – eldiń ekonomikalyq turaqtylyǵy men órkendeýine qol jetkizýdiń negizgi faktory. Elde sapaly óndiris ornyqqan kezde bul ekonomika men qoǵamdaǵy kóptegen oń ózgeristerge negiz jasaidy. Ózimizdiń óndirisimizdiń basqa bireýdi qaita satýdan artyqshylyǵy - onyń uzaq merzimdi damý men turaqtylyq qabiletinde ekenin atap ótken jón», - deidi Ospanov.
Sarapshynyń sózinshe. Qazaqstan óndiris bazasyn jańartý men keńeitýge, qolaily investitsiialyq orta qurýǵa jáne myqty injenerlerdi tárbieleýge kúsh salý kerek.
