Qazaqstan biligi Batys tarapynan salynǵan shekteýlerge alańdap, shekaradaǵy baqylaýdy kúsheitip jatyr degen pikir aityldy, dep habarlaidy Dalanews.kz.
Qazaqstan–Resei shekarasynda Qytaidan shyqqan júk tielgen myńdaǵan fýra jinalyp qalǵan. Quzyrly organdar olardy muqiiat tekserýde: sanktsiiaǵa ilingen taýarlar men qosarly maqsattaǵy ónimderge, ásirese drondar men elektronikaǵa erekshe kóńil bólinýde.
Logistikalyq kompaniia ókili Maksim Emelinniń aitýynsha, bul ýaqytsha qiyndyq emes, jańa qalyptasqan jaǵdai.
"Baqylaý kúsheiip keledi, Batystyń sanktsiialaryn saqtaý barǵan saiyn qatańdanýda", – deidi ol.
Sonymen qatar, qazaqstandyq jáne reseilik sheneýnikter zańdy taýar tasymalyna tosqaýyl joq ekenin málimdeýde.
Sanktsiialyq qysym
Eýropalyq komissiia Reseige qarsy kezekti sanktsiialar paketin bekitken bolatyn. Jańa shekteýler munai salasyna, teńiz tasymalyna, áskeri óndiris pen deldal memleketterge áser etedi. Sarapshylardyń pikirinshe, bul tizimge Qazaqstan da kirýi yqtimal.
