"Máselen, bir kúni munaidyń baǵasy túsip ketetin bolsa, Qazaqstan ekonomikasyn alyp shyǵatyn balama kózder bolýy kerek. Menińshe, olar - óńdeýshi ónerkásip salasy, týrizm, agroónerkásip keshenderi. Onymen qosa, elimizde jasyl energetika kózderin damytýǵa bolady, sondai-aq osy qatarda IT salasy men kólik-logistika salasy tiimdi bolmaq. Bul salalarǵa basymdyq beretin bolsaq, el ekonomikasyn aldaǵy jyldary biraz deńgeige kóterýge bolady", - deidi sarapshy.
Maqsat Halyqtyń aitýynsha, qazirgi tańda elimizdiń ekonomikalyq baǵyt-baǵdary túsiniksiz jaǵdaida.
"Ekonomika tek bir nársege bailanyp qalmaýǵa tiis. Búgingi tańda úkimettiń júieli ári tiimdi modeli joq deýge bolady. Óitkeni elimizdegi sońǵy qabyldanǵan jobalar Ulttyq jobalar bolyp bekitilgen edi. Alaida qazir sol jumystar maǵynasyn joǵaltyp jatqanyn kórip otyrmyz. Demek 10-15 jyldan soń Qazaqstan ekonomikasynyń qandai bet-beinesi bolady? Mine osy máseleni josparlaý búgingi tańda kún tártibinde tur", - dedi sarapshy.
Sondai-aq ol úkimettiń jylda jalaqy mólsherin kóterýine qatysty pikir bildirdi.
"Iá, kóterý kerek. Alaida áli ailyqty durys kótergen joq dep esepteimin. Óitkeni halyqtyń tabysy artqan joq. Bul másele keshendi túrde qolǵa alynýy kerek", - deidi ekonomist.
