Qazaqstanda keiingi bir jylda qoi eti orta eseppen 27,7 paiyz qymbattady. Sondai-aq siyr eti, tartylǵan et pen taýyqtyń san etiniń baǵasy da ósken, dep habarlaidy dalanews.kz.
Saýda jáne integratsiia ministri Arman Shaqqalievtiń aitýynsha, baǵanyń kóterilýine ishki jáne syrtqy naryqtaǵy suranystyń artýy áser etip otyr. Onyń sózinshe, Qytai, Afrika elderi jáne kórshiles memleketterde, sonyń ishinde Ózbekstanda etke degen suranys joǵarylaǵan. Bul óz kezeginde Qazaqstandaǵy baǵaǵa da yqpal etip jatyr.
"Et baǵasynda kúrt ósim baiqalyp otyrǵan joq. Qalypty deńgeidegi ósim bar. Eń bastysy – naryqta et jetkilikti. Baǵa ózgerip otyrǵanymen, jalpy jaǵdai turaqty. Mal sharýashylyǵy ónimderiniń tapshylyǵy joq. Sonymen birge baǵa tek tutynýshy úshin ǵana emes, óndirýshi úshin de ádil bolýy qajet. Qazir naryqtaǵy tepe-teńdik qalyptasyp jatyr", - dedi ministr.
