Qalalyq TJD almatylyqtarǵa taǵy da kún buzylatynyn eskertti, – dep habarlaıdy Dalanews.kz.
Qalada daýyl týraly eskertý jarıalandy.
Almatynyń Tótenshe jaǵdaılar departamenti málimetinshe, aýa raıy túnde nasharlaıdy. Ekpini sekýndyna 18 metrge deıin jetetin qatty jel soǵyp, naızaǵaı oınaıdy.
"Qala turǵyndaryna, qonaqtary men týrıserine qaýipsizdik sharalaryn saqtaýǵa, taýǵa shyqpaýǵa keńes beremiz. Elektr jelileri bútin ekenine nazar aýdaryńyz, kólikterdi aǵashtyń astyna qoımańyz jáne álsiz qurylymdardyń astyna turmańyz", - dep keńes berdi TJD ókilderi.
Aıta keteıik, keshe dúleı daýyl Almatynyń astań-kesteńin shyǵardy, keıbir aýdandarda jaryq sónip qaldy.
Qala turǵyndary áleýmettik jelide tabıǵat apatynyń saldary kórinetin kadrlardy jarıalady: onda qulaǵan aǵashtar, shashylǵan butaqtar men ornynda áreń turǵan jol belgileri kórinedi. Keıbir aýdandarda elektr qýaty men ınternet úzildi.
