قالالىق تجد الماتىلىقتارعا تاعى دا كۇن بۇزىلاتىنىن ەسكەرتتى، – دەپ حابارلايدى Dalanews.kz.
قالادا داۋىل تۋرالى ەسكەرتۋ جاريالاندى.
الماتىنىڭ توتەنشە جاعدايلار دەپارتامەنتى مالىمەتىنشە، اۋا رايى تۇندە ناشارلايدى. ەكپىنى سەكۋندىنا 18 مەترگە دەيىن جەتەتىن قاتتى جەل سوعىپ، نايزاعاي وينايدى.
"قالا تۇرعىندارىنا، قوناقتارى مەن تۋريستەرىنە قاۋىپسىزدىك شارالارىن ساقتاۋعا، تاۋعا شىقپاۋعا كەڭەس بەرەمىز. ەلەكتر جەلىلەرى ءبۇتىن ەكەنىنە نازار اۋدارىڭىز، كولىكتەردى اعاشتىڭ استىنا قويماڭىز جانە ءالسىز قۇرىلىمداردىڭ استىنا تۇرماڭىز"، - دەپ كەڭەس بەردى تجد وكىلدەرى.
ايتا كەتەيىك، كەشە دۇلەي داۋىل الماتىنىڭ استاڭ-كەستەڭىن شىعاردى، كەيبىر اۋدانداردا جارىق ءسونىپ قالدى.
قالا تۇرعىندارى الەۋمەتتىك جەلىدە تابيعات اپاتىنىڭ سالدارى كورىنەتىن كادرلاردى جاريالادى: وندا قۇلاعان اعاشتار، شاشىلعان بۇتاقتار مەن ورنىندا ارەڭ تۇرعان جول بەلگىلەرى كورىنەدى. كەيبىر اۋدانداردا ەلەكتر قۋاتى مەن ينتەرنەت ءۇزىلدى.
