İshki ister mınıstrligi tanymal ınternet resýrstarda qonaqúı nómirleri men páterlerdi brondaý kezinde jasalatyn alaıaqtyqtyń jańa tásili týraly eskertti, dep habarlaıdy Dalanews.kz.
Páterlerdi ınternet arqyly brondaý kezinde paıdalanýshylarǵa bank kartasynyń derekterin suratatyn habarlamalar keledi. Alaıda bul derekter jeke kabınette bar jáne qaıta engizýdi talap etpeıdi. Osyǵan baılanysty İİM azamattardy basqa qalaǵa nemese elge demalysqa, sondaı-aq, is-saparǵa shyqqanda asa muqıat bolýǵa shaqyrdy.
Alaıaqtarǵa aldanbaý úshin mynadaı sharalardy ustaný qajet:
- saıttyń mekenjaıyn tekserińiz: fıshıng saıttarda domen ataýynda usaq ózgerister bolýy múmkin (mysaly bir áriptiń qosylýy nemese sońǵy jaǵyndaǵy ózgerister);
- bank kartańyzdyń derekterin páter ıesimen chatta bólispeńiz;
- tym tómen baǵadaǵy usynystarǵa kúmánmen qarańyz;
- páterdi nemese qonaqúı nómirin jaldamas buryn pikirlerdi oqyp shyǵyńyz, olardyń jarıalanǵan ýaqytyn jáne jarnama saıtta qansha ýaqyttan beri turǵanyn tekserińiz, birneshe jyldan beri jarnamalanyp kele jatqan páterler - senimdiliktiń bir belgisi;
- páter ıesi tolyq aldyn ala tólem jasaýdy talap etken jaǵdaıda abaı bolyńyz, qonaqúı nómiri men páterge tólemdi tek sol jerge baryp, olardyń bar ekenine kóz jetkizgennen keıin jasańyz;
- kúdikti habarlamalardan saq bolyńyz: messendjerlerde, elektron poshtada nemese áleýmettik jelilerde jiberilgen siltemeler jalǵan saıttarǵa aparýy múmkin;
- páterdi nemese qonaqúı nómirin tek tanymal jáne senimdi platformalardan brondańyz: eger saıt kúmán týdyrsa, táýekelge barmaǵan durys.
