Qaraǵandyda Serik Sápievpen tóbelesken Dáýren Esimhanov buǵan deiin de kózge túsken, dep habarlaidy Dalanews.kz.
2025 jyly jazda oblys ákimi apparatynyń ádep jónindegi ýákili Dene shynyqtyrý jáne sport basqarmasy basshysynyń orynbasary Dáýren Esimhanovpen jeke túsindirý jumystaryn júrgizgen.
Laýazymdyq mindetin atqarý kezinde memlekettik qyzmettiń ádep qaǵidatyn, memlekettik qyzmetshilerdiń qyzmettik ádep standarttaryn saqtaý máselesi boiynsha túsindirý jumysy júrgizilgen. Dese de bul túsindirý jumysyna qandai jaǵdai sebep bolǵany aitylmaǵan.
Aita keteiik, Qaraǵandy qalasynyń 42 jastaǵy turǵynynyń aryzy negizinde uryp-soǵý deregi boiynsha qylmystyq is qozǵalǵan.
"21 qańtarda qaladaǵy sport keshenderiniń birinde eki er adam arasynda janjal týyndaǵan. Qazir politsiia qyzmetkerleri bolǵan oqiǵanyń barlyq mán-jaiyn anyqtap jatyr", - dedi Qaraǵandy oblysy Politsiia departamentiniń baspasóz qyzmeti ókili.
