Qarapaiym halyq pen shaǵyn kásiporyn jumysshylarynyń Keńqiiaq-Jańajol baǵytymen 2014 jyldan beri erkin qozǵalys jasai almai júrgenderi belgili edi. Ondaǵy munai kompaniialary zańsyz aqyly baqylaý-ótkizý pýnktin ornatyp, sairan salyp júrgenderine biraz bolǵan. Daýly aýmaqtaǵy jol oblystyq mańyzdylyǵy bar toraptardyń qataryna jatatyn bolyp shyqty.
Baqylaý ornynan ótý aqysyn «Kazahoil Aqtóbe» alyp júr. «Álibekmola» ken ornyn baǵytqa alǵan júk kólikteri — 2500 teńge, jeńil avtokólikter — 775 teńge aqy tóleitin bolsa, Qojasai ken ornyna baratyn júrgizýshiler 4000 jáne 1500 teńge kóleminde aqsha tóleidi.
«Bul máseleni shuǵyl túrde sheshý kerek. «Kazahoil Aktobe» mekemesiniń ol jerge bóget ornatyp, ótý úshin aqy talap etkenderi múlde durys emes», — deidi Saparbaev.
Sonymen qatar, ákim jumysshylardy qysqartý qajettiligi oryn alsa, jergilikti jumysshylar qatary kemimei, kerisinshe, ózge elden kelgen basshylar men mamandardyń qatary qysqarýy tiis ekenin basa aitty.
