Sondaı-aq, jergilikti turǵyndarmen kezdesýler ótkizdi, - dep habarlaıdy Dalanews.kz oblys ákiminiń baspasóz qyzmetine silteme jasap.
Oblys basshysynyń aýdandaǵy jumys sapary Jańatas qalasyndaǵy Mádenıet úıindegi aýdan aktıvimen kezdesýde túıindeldi.
Basqosýda jergilikti turǵyndar óńirdegi hımıalyq óndiristerdiń qorshaǵan orta men adamdardyń densaýlyǵyna zıandy áseri, aýyz sýdyń sapasy, azyq-túlik baǵasynyń qymbattylyǵy, turǵyn úı qoryn qalpyna keltirý, múgedektigi boıynsha járdemaqy tóleý máselelerin kóterdi.
«Biz qolda bar áleýetti azamattardyń ál-aýqatyn jaqsartý, ekonomıkanyń ósýi men áleýmettik mindetterdi sheshý jolynda barynsha paıdalanýǵa tıispiz. Aýdannyń damýyna óz úlesin qosyp otyrǵan «Eýrohım Tyńaıtqysh« jáne «Qazfosfat« iri kásiporyndarynyń mańyzy erekshe.
Azyq-túlik baǵasy ósip otyrǵanyn jasyra almaımyz. Óıtkeni ózimizden óndiriletin ónim az.
Osy oraıda aýyl turǵyndary birinshi kezekte ózin de, oblys halqyn da óz azyq-túligimen qamtamasyz etýge barynsha atsalysýy tıis.
Ártúrli memlekettik baǵdarlamalarǵa belsendi túrde qatysyp, tómen paıyzdy nesıeler arqyly óz kásipterin ashýǵa talpyný kerek.
Biz óndiris oryndarynyń ekologıalyq normalardy saqtaýyn, azamattardyń densaýlyǵyn qorǵaýdy qatań baqylaýda ustaımyz. Bul – bıliktiń negizgi mindetterniniń biri.
Men ákimderge halyqpen jıi kezdesýler ótkizip, azamattardyń saýaldaryna qulaq túrip otyrý kerektigin basa aıtqym keledi. Ákimderdiń esepteri qurǵaq baıandama, bos ýádemen ótpeý kerek. Ondaı jıyndarda mańyzdy máseleler kóterilip, ótkir suraqtarǵa tolyq jaýaptar berilýi tıis.
Óz halqynan qorqatyn ákim – basshy bola almaıdy, – dep túıindedi aımaq basshysy óz sózin.
