4-5 jas shamasyndaǵy bala da ákimdi birden tanyǵanǵa uqsaıdy, jent salynǵan paketti alyp jatyp, kúlip jiberdi de, rahmetin aıtty. Óz kezeginde, balanyń anasy da ákimniń tartýy dep yrymdap, qýanǵanynan aınalasyna qaraılaı berdi.
Aıta keteıik, Aqtóbede jentti brendke aınaldyrý sharalary osyǵan deıin qolǵa alynǵan bolatyn. Oblys ákiminiń orynbasary Ǵalı Esqalıev «Aqtóbe aqparat» ortalyǵynda ótken basqosýlardyń birinde jýrnalıserge ádemi qorapqa salynǵan jentti tanystyrǵan bolatyn.
– Ár óńirdiń óz brendi bar. Aqtóbeniń brendi áli joq. Tarynyń otany bolǵandyqtan, Aqtóbeden «shokolad quıylǵan jent» ónimin oılastyrdyq, – degen bolatyn ákim orynbasary.
Jańǵaq pen meıiz qosylǵan jentti búginde aqtóbelikter ózge qalalarǵa bazarlyq retinde aparady.
Marat Tólepbergen
Derekkózi: tilshi.kz
