Kóptegen máselege qozǵaý salyp, qalyń el tarapynan qoldaý tapqan Memleket basshysynyń tujyrymdamasyn iske asyrý, memlekettik qyzmetterdi sapaly usyný, azamattardyń ótinishterin, shaǵymdaryn jedel ári tıimdi qarastyrý jáne qoıylǵan suraqtardyń sheshilýin qamtamasyz etý, qyzmet alýshynyń rızashylyǵyn arttyrý boıynsha keshendi is-sharalar qabyldaý jáne memlekettik apparatty búrokratıadan aryltý máseleleri boıynsha taldaý jumystaryn júrgizý barlyq deńgeıdegi memlekettik organdardyń basty mindeti.
Jetisý oblysy boıynsha jergilikti atqarýshy organdar kórsetetin memlekettik qyzmetterdiń tizimi 295 memlekettik qyzmetten turady. Onyń 289-i (98%) elektrondyq nusqada usynylady.
Memlekettik organdardyń eseptik málimetterine qaraǵanda, bıylǵy İİİ toqsanda Jetisý oblysynda 1076307 memlekettik qyzmet kórsetilgen. Onyń ishinde jergilikti atqarýshy organdar 916 866 memlekettik qyzmet (jalpy kórsetilgen qyzmet sanynyń 85,18%) usynsa, ortalyq memlekettik organdardyń aýmaqtyq bólimsheleri 159 441 memlekettik qyzmet (jalpy kórsetilgen qyzmet sanynyń 15%) kórsetken.
Oblystaǵy jergilikti atqarýshy organdar kórsetken jalpy qyzmet sanynyń 95%-y elektrondy nusqada usynylsa, 1,27% memlekettik korporasıa arqyly kórsetildi. Al ortalyq memlekettik organdardyń aýmaqtyq bólimsheleri memlekettik qyzmetterdiń 79%-yn elektrondy túrde, 19%-yn memlekettik korporasıa arqyly kórsetkenin aıta ketý kerek.
Bıyl jyl basynan memlekettik qyzmetterdi elektrondy túrde alý tártibin úıretý boıynsha ótken 455 is-sharaǵa 156 123 turǵyn qatysty. Onyń ishinde elektrondyq memlekettik qyzmet alýdy halyq arasynda nasıhattaý úshin telearnada 5 baǵdarlama kórsetilip, merzimdi baspasózde 42 maqala jaryq kórdi. Odan bólek, «Halyq únine qulaq asatyn memleket» tujyrymdamasyn iske asyrý úshin Departament bastamasymen halyqpen kedergisiz baılanys ornatýdy, memlekettik qyzmet kórsetý salasynda ashyqtyqty jáne eseptilik qaǵıdattaryn iske asyrýdy, memleket pen halyq arasynda syndarly qoǵamdyq dıalog ornatýdy maqsat etetin «QYZMET LIVE» jobasy júzege asyrylýda. Sonymen qatar, aýdan, qala ákimderi apparattarynyń feısbýk, Instagram syndy áleýmettik jeli paraqshalarynda 57564 jazylýshy qamtylǵan 73 tikeleı efır júrgizildi. Tikeleı efır barysynda qyzmet alýshylardyń 183 suraǵyna tıisti jaýap berildi.
Qazaqstan Respýblıkasy Memlekettik qyzmet isteri agenttiginiń tóraǵasy bekitken Memlekettik kórsetiletin qyzmetterdiń sapasy men qoljetimdiligi boıynsha is-sharalar josparyna sáıkes memlekettik qyzmetter kórsetý salasynda ashyqtyq jáne eseptilik qaǵıdattaryn iske asyrý, halyqpen kedergisiz baılanys ornatý maqsatynda óńirlik memlekettik kórsetiletin qyzmetter salasynyń jaı-kúıi men jaǵdaıy týraly «Elge qyzmet» arnaıy telearnalyq baǵdarlamasyn barlyq qala men oblys ortalyqtyqtarynda ashý tapsyrylǵan bolatyn. Búginde oblys ákimdigi men «Jetisý» TRK qoldaýymen «Elge qyzmet» baǵdarlamasy jumys isteıdi.
Sondaı-aq, Departament pen halyq arasynda elektrondyq qyzmetterdi alýdy nasıhattaý boıynsha belsendi jumystar júrgizilip otyr. Elektrondyq qyzmetterdiń qoljetimdiligin qamtamasyz etý maqsatynda oblysta ashylǵan 1 051 ózine-ózi qyzmet kórsetý buryshynyń 742-si aýdan ortalyqtarynda, 125-i aýyldarda ornalasqan. Osy buryshtar arqyly 19 450 memlekettik qyzmet kórsetilip keldi.
Kórsetiletin qyzmetti alýshylar úshin qolaıly jaǵdaı jasaý úshin 2018 jyldan bastap 13 servıstik ákimdik ashylǵan bolatyn. Onyń ishinde 3 servıstik ákimdik Qaratal aýdanynyń Bastóbe aýylynda, Sarqan aýdanynyń Cherkask aýylynda, Alakól aýdanynyń Qabanbaı aýylynda quryldy. Búgingi kúni «servıstik ákimdikter» arqyly 23 400 memlekettik qyzmet kórsetildi.
Bir aıta keterligi, atqarylyp jatqan is bir ornynda toqtap qalǵan joq. Jyl saıyn zań talaptary da jetildirilip, túrli ózgeristerge oryn berilýde.
Búginde Agenttik basshylyǵynyń tapsyrmasyna sáıkes memlekettik qyzmet kórsetý úderisin retteýge baǵalaý júrgizý kezinde quqyqtyq qaıshylyqtar men olqylyqtarǵa, bıznes-prosesterdiń tıisinshe rettelmeýine, ákimshilik kedergilerge jáne artyq talaptarǵa, sáıkessizdikke jáne lıngvısıkalyq belgisizdikke nazar aýdarylyp, aqparattyq júıelerdiń monıtorıńi júrgiziledi. Memlekettik qyzmetti jetildirý, yqpaldastyrý jáne memlekettik kórsetiletin qyzmetterdi avtomattandyrýdy, proaktıvti jáne kompozıttik formatqa kóshirý boıynsha Departament mamandary birqatar usynys joldady.
Memleket basshysynyń Jarlyǵyna sáıkes memlekettik apparatty búrokratıadan aryltý máseleleri boıynsha normatıvtik quqyqtyq aktiler salasynda monıtorıń jasaldy jáne densaýlyq, áleýmettik salalaryna taldaý júrgizilip, qorytyndysy boıynsha tıisti usynys engizildi.
Qobylan MANAP, QR Memlekettik qyzmet isteri agenttiginiń Jetisý oblysy boıynsha departamentiniń basshysy
