كوپتەگەن ماسەلەگە قوزعاۋ سالىپ، قالىڭ ەل تاراپىنان قولداۋ تاپقان مەملەكەت باسشىسىنىڭ تۇجىرىمداماسىن ىسكە اسىرۋ، مەملەكەتتىك قىزمەتتەردى ساپالى ۇسىنۋ، ازاماتتاردىڭ وتىنىشتەرىن، شاعىمدارىن جەدەل ءارى ءتيىمدى قاراستىرۋ جانە قويىلعان سۇراقتاردىڭ شەشىلۋىن قامتاماسىز ەتۋ، قىزمەت الۋشىنىڭ ريزاشىلىعىن ارتتىرۋ بويىنشا كەشەندى ءىس-شارالار قابىلداۋ جانە مەملەكەتتىك اپپاراتتى بيۋروكراتيادان ارىلتۋ ماسەلەلەرى بويىنشا تالداۋ جۇمىستارىن جۇرگىزۋ بارلىق دەڭگەيدەگى مەملەكەتتىك ورگانداردىڭ باستى مىندەتى.
جەتىسۋ وبلىسى بويىنشا جەرگىلىكتى اتقارۋشى ورگاندار كورسەتەتىن مەملەكەتتىك قىزمەتتەردىڭ ءتىزىمى 295 مەملەكەتتىك قىزمەتتەن تۇرادى. ونىڭ 289ء-ى (98%) ەلەكتروندىق نۇسقادا ۇسىنىلادى.
مەملەكەتتىك ورگانداردىڭ ەسەپتىك مالىمەتتەرىنە قاراعاندا، بيىلعى ءىىى توقساندا جەتىسۋ وبلىسىندا 1076307 مەملەكەتتىك قىزمەت كورسەتىلگەن. ونىڭ ىشىندە جەرگىلىكتى اتقارۋشى ورگاندار 916 866 مەملەكەتتىك قىزمەت (جالپى كورسەتىلگەن قىزمەت سانىنىڭ 85،18%) ۇسىنسا، ورتالىق مەملەكەتتىك ورگانداردىڭ اۋماقتىق بولىمشەلەرى 159 441 مەملەكەتتىك قىزمەت (جالپى كورسەتىلگەن قىزمەت سانىنىڭ 15%) كورسەتكەن.
وبلىستاعى جەرگىلىكتى اتقارۋشى ورگاندار كورسەتكەن جالپى قىزمەت سانىنىڭ 95%-ى ەلەكتروندى نۇسقادا ۇسىنىلسا، 1،27% مەملەكەتتىك كورپوراسيا ارقىلى كورسەتىلدى. ال ورتالىق مەملەكەتتىك ورگانداردىڭ اۋماقتىق بولىمشەلەرى مەملەكەتتىك قىزمەتتەردىڭ 79%-ىن ەلەكتروندى تۇردە، 19%-ىن مەملەكەتتىك كورپوراسيا ارقىلى كورسەتكەنىن ايتا كەتۋ كەرەك.
بيىل جىل باسىنان مەملەكەتتىك قىزمەتتەردى ەلەكتروندى تۇردە الۋ ءتارتىبىن ۇيرەتۋ بويىنشا وتكەن 455 ءىس-شاراعا 156 123 تۇرعىن قاتىستى. ونىڭ ىشىندە ەلەكتروندىق مەملەكەتتىك قىزمەت الۋدى حالىق اراسىندا ناسيحاتتاۋ ءۇشىن تەلەارنادا 5 باعدارلاما كورسەتىلىپ، مەرزىمدى باسپاسوزدە 42 ماقالا جارىق كوردى. ودان بولەك، «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ءۇشىن دەپارتامەنت باستاماسىمەن حالىقپەن كەدەرگىسىز بايلانىس ورناتۋدى، مەملەكەتتىك قىزمەت كورسەتۋ سالاسىندا اشىقتىقتى جانە ەسەپتىلىك قاعيداتتارىن ىسكە اسىرۋدى، مەملەكەت پەن حالىق اراسىندا سىندارلى قوعامدىق ديالوگ ورناتۋدى ماقسات ەتەتىن «QYZMET LIVE» جوباسى جۇزەگە اسىرىلۋدا. سونىمەن قاتار، اۋدان، قالا اكىمدەرى اپپاراتتارىنىڭ فەيسبۋك، Instagram سىندى الەۋمەتتىك جەلى پاراقشالارىندا 57564 جازىلۋشى قامتىلعان 73 تىكەلەي ەفير جۇرگىزىلدى. تىكەلەي ەفير بارىسىندا قىزمەت الۋشىلاردىڭ 183 سۇراعىنا ءتيىستى جاۋاپ بەرىلدى.
قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ ءتوراعاسى بەكىتكەن مەملەكەتتىك كورسەتىلەتىن قىزمەتتەردىڭ ساپاسى مەن قولجەتىمدىلىگى بويىنشا ءىس-شارالار جوسپارىنا سايكەس مەملەكەتتىك قىزمەتتەر كورسەتۋ سالاسىندا اشىقتىق جانە ەسەپتىلىك قاعيداتتارىن ىسكە اسىرۋ، حالىقپەن كەدەرگىسىز بايلانىس ورناتۋ ماقساتىندا وڭىرلىك مەملەكەتتىك كورسەتىلەتىن قىزمەتتەر سالاسىنىڭ جاي-كۇيى مەن جاعدايى تۋرالى «ەلگە قىزمەت» ارنايى تەلەارنالىق باعدارلاماسىن بارلىق قالا مەن وبلىس ورتالىقتىقتارىندا اشۋ تاپسىرىلعان بولاتىن. بۇگىندە وبلىس اكىمدىگى مەن «جەتىسۋ» ترك قولداۋىمەن «ەلگە قىزمەت» باعدارلاماسى جۇمىس ىستەيدى.
سونداي-اق، دەپارتامەنت پەن حالىق اراسىندا ەلەكتروندىق قىزمەتتەردى الۋدى ناسيحاتتاۋ بويىنشا بەلسەندى جۇمىستار جۇرگىزىلىپ وتىر. ەلەكتروندىق قىزمەتتەردىڭ قولجەتىمدىلىگىن قامتاماسىز ەتۋ ماقساتىندا وبلىستا اشىلعان 1 051 وزىنە-وزى قىزمەت كورسەتۋ بۇرىشىنىڭ 742ء-سى اۋدان ورتالىقتارىندا، 125ء-ى اۋىلداردا ورنالاسقان. وسى بۇرىشتار ارقىلى 19 450 مەملەكەتتىك قىزمەت كورسەتىلىپ كەلدى.
كورسەتىلەتىن قىزمەتتى الۋشىلار ءۇشىن قولايلى جاعداي جاساۋ ءۇشىن 2018 جىلدان باستاپ 13 سەرۆيستىك اكىمدىك اشىلعان بولاتىن. ونىڭ ىشىندە 3 سەرۆيستىك اكىمدىك قاراتال اۋدانىنىڭ باستوبە اۋىلىندا، سارقان اۋدانىنىڭ چەركاسك اۋىلىندا، الاكول اۋدانىنىڭ قابانباي اۋىلىندا قۇرىلدى. بۇگىنگى كۇنى «سەرۆيستىك اكىمدىكتەر» ارقىلى 23 400 مەملەكەتتىك قىزمەت كورسەتىلدى.
ءبىر ايتا كەتەرلىگى، اتقارىلىپ جاتقان ءىس ءبىر ورنىندا توقتاپ قالعان جوق. جىل سايىن زاڭ تالاپتارى دا جەتىلدىرىلىپ، ءتۇرلى وزگەرىستەرگە ورىن بەرىلۋدە.
بۇگىندە اگەنتتىك باسشىلىعىنىڭ تاپسىرماسىنا سايكەس مەملەكەتتىك قىزمەت كورسەتۋ ۇدەرىسىن رەتتەۋگە باعالاۋ جۇرگىزۋ كەزىندە قۇقىقتىق قايشىلىقتار مەن ولقىلىقتارعا، بيزنەس-پروسەستەردىڭ تيىسىنشە رەتتەلمەۋىنە، اكىمشىلىك كەدەرگىلەرگە جانە ارتىق تالاپتارعا، سايكەسسىزدىككە جانە لينگۆيستيكالىق بەلگىسىزدىككە نازار اۋدارىلىپ، اقپاراتتىق جۇيەلەردىڭ مونيتورينگى جۇرگىزىلەدى. مەملەكەتتىك قىزمەتتى جەتىلدىرۋ، ىقپالداستىرۋ جانە مەملەكەتتىك كورسەتىلەتىن قىزمەتتەردى اۆتوماتتاندىرۋدى، پرواكتيۆتى جانە كومپوزيتتىك فورماتقا كوشىرۋ بويىنشا دەپارتامەنت ماماندارى ءبىرقاتار ۇسىنىس جولدادى.
مەملەكەت باسشىسىنىڭ جارلىعىنا سايكەس مەملەكەتتىك اپپاراتتى بيۋروكراتيادان ارىلتۋ ماسەلەلەرى بويىنشا نورماتيۆتىك قۇقىقتىق اكتىلەر سالاسىندا مونيتورينگ جاسالدى جانە دەنساۋلىق، الەۋمەتتىك سالالارىنا تالداۋ جۇرگىزىلىپ، قورىتىندىسى بويىنشا ءتيىستى ۇسىنىس ەنگىزىلدى.
قوبىلان ماناپ، ق ر مەملەكەتتىك قىزمەت ىستەرى اگەنتتىگىنىڭ جەتىسۋ وبلىسى بويىنشا دەپارتامەنتىنىڭ باسشىسى
