Qoǵam belsendisi ári bloger Sanjar Bokaevqa qatysty qylmystyq is Almaty qalasynyń Almaly aýdandyq qylmystyq ister jónindegi sotyna tústi, dep habarlaidy dalanews.kz.
Bul týraly Bokaevtyń advokaty Radmir Ótepov málimdedi. Onyń aitýynsha, qorǵaý tarapy ázirge alǵashqy sot otyrysynyń qashan ótetini týraly aqparat alǵan joq.
«Búgin qorǵaýymyzdaǵy Bokaev Sanjar Omarulyna qatysty is Almaty qalasynyń Almaly aýdandyq qylmystyq ister jónindegi sotyna tústi. Alǵashqy sot otyrysynyń qashan taǵaiyndalatyny ázirge belgisiz. Jańalyq bolǵan jaǵdaida sizderge habarlap otyramyz», – dedi Ótepov.
Qoǵam belsendisi ári bloger Sanjar Bokaev naýryz aiynan beri qamaýda otyr. Onyń isi boiynsha tergeý áreketteri 13 shildede aiaqtalǵan. Osydan keiin advokattar qylmystyq is materialdarymen tanysýǵa kirisken.
Tergeý nusqasy boiynsha, Bokaevqa asa iri mólsherde alaiaqtyq jasaý, aǵashtardy zańsyz kesý, qurylys nysandaryndaǵy jymqyrý faktilerine jáne shynaiy emes aqparat taratýǵa qatysy bolýy múmkin degen kúdik keltirilip otyr.
Sanjar Bokaev sońǵy jyldary memlekettik qyzmetshilerdiń jumysy, biýdjet qarajasynyń jumsalýy, kádege jaratý alymy jáne daýly qurylys máseleleri týraly jariialaǵan beinerolikteri arqyly tanylǵan.
Is sotqa jetpei turyp-aq belsendiniń jaqtastary aldaǵy sot protsesi jýrnalister men qoǵam ókilderi úshin jabyq ótpeýi kerek ekenin ashyq túrde málimdegen.
