Memleket paidasyna 375 milliard teńgeden asatyn aktivter qaitaryldy, - dep habarlaidy Dalanews.kz.
Memleket basshysynyń zańsyz shyǵarylǵan aktivterdi qaitarý jónindegi tapsyrmalaryn oryndaý úshin Bas prokýratýra basqa da jaýapty memlekettik organdarmen birlesip, tiisti jumystar istep jatyr.
"Negizgi maqsat - mundai aktivterdi Qazaqstan turǵyndarynyń igiligi úshin zańdy ainalymǵa shuǵyl tartý. Aktivterdi qaitarý protsesi qatań túrde zańǵa sáikes jáne zańnyń ólshem sharttaryna sáikes keletin adamdarǵa ǵana qatysty júrgizilip jatyr", - dep jazylǵan Bas prokýratýranyń baspasóz qyzmeti habarlamasynda.
Bas prokýratýra eldegi 1 myńnan asa jáne sheteldegi 150-den asa múlik týraly málimetterdi taldap jatyr. Taldaýda taǵy 600 milliard teńgeniń baǵaly qaǵazdary qamtylǵan. Elimizde 200-den asa jáne shetelde 140 bank shoty anyqtaldy. 2 trillion teńgege jýyq kúdikti tranzaktsiialar tekserilip jatyr.
Premer-ministrdiń basshylyǵymen komissiia 325 milliard teńgeden asa somaǵa aktivterdi memleketke qaitarý týraly kelisimder men talaptardy maquldady, onyń ishinde 272 milliard teńge teńgerimindegi aqshalai qarajat bar. Olar mańyzdy áleýmettik jáne ekonomikalyq jobalardy júzege asyrýǵa baǵyttalatyny aityldy.
Sondai-aq, elimizdegi jáne sheteldegi quny 50 milliard teńgeden asatyn aktivter memleketke berildi. Olardyń ishinde birqatar strategiialyq ken oryndary, monopolistik kompaniialar, ondaǵan myń gektar jer, sondai-aq, óndiris obektileri, qonaqúiler, biznes ortalyqtary, villalar, páterler, sándi kólikter, zergerlik buiymdar jáne taǵy basqalary bar.
Tizilimniń keibir sýbektileri óz erkimen jalpy quny 30 milliard teńge bolatyn joǵary tehnologiialyq investjobalardy júzege asyrýǵa mindetteme alǵan. Olardyń ishinde qubyrlar, qaptamalar, himiialyq, azyq-túlik jáne t.b. ónimderdi shyǵaratyn óndiris nysandary bar. Osylaisha, keminde 300 jańa jumys ornyn qurý josparlanyp otyr, jyldyq salyq 1 milliard teńgeden asýǵa tiis.
Aktivterdi qaitarý protsesiniń taǵy bir mańyzdy bóligi - áleýmettik jobalardy júzege asyrý. Máselen, tizilimdegi tulǵalar óz erkimen qyzmetterin erekshe qajettiligi bar adamdar jáne basqa da áleýmettik osal toptar tegin paidalana alatyn, quny 5 milliard teńgeden asatyn zamanaýi mádeni-aǵartý ortalyǵyn salynýǵa mindetteme alǵan.
Bas prokýratýranyń Aktivterdi qaitarý jónindegi komitetiniń májbúrlep qaitarý tetikterin iske asyrý sheńberinde kóptegen, onyń ishinde qalai paida bolǵany túsiniksiz aktivterge qatysty talap qoiýlar berildi.
Olardyń biri boiynsha 11 milliard AQSh dollarynan asa qarjyny, sondai-aq, 400 million teńge somasyna zergerlik buiymdar men mádeni qundylyqtardy májbúrlep qaitarý týraly sot sheshimi qabyldanyp, kúshine endi.
2022 jyldan bastap ekonomikany demonopolizatsiialaý sharalaryn qosa alǵanda jalpy somasy shamamen 1,7 trillion teńgeniń aktivi, onyń ishinde shetelden 750 million AQSh dollary memleketke qaitaryldy.
