«Samuryq-Qazyna» kompaniialar toby tek Atyraý oblysynda sońǵy bes jylda 1 milliard teńgeden astam somaǵa 19 áleýmettik jobany iske asyrdy. Jobalar óńir turǵyndary úshin mańyzdy máselelerdi sheshýge jáne úkimettik emes uiymdardyń áleýmettik bastamalaryn qoldaýǵa baǵyttalǵan. Biyl óńirde 375,5 mln teńge somasyna 7 joba maquldandy.
Baspasóz týry sóileý qabileti buzylǵan, aýtizm, tserebraldy sal aýrýy jáne Daýn sindromy bar balalardy jan-jaqty damytýmen ainalysatyn, jańartylǵan «Zeiin-Atyraý» erekshe balalardy damytý ortalyǵyna barýdan bastaldy. Biyl jobaǵa «Samuryq-Qazyna» qory kúrdeli jóndeý jumystarymen qatar, jihazdar men jabdyqtardy jańartýdy qarjylandyrdy, sondai-aq 50 erekshe balaǵa tegin ońaltý kýrstaryna sertifikat tabystaldy. Jobanyń quny 27 million teńgeden asady.
Jinalǵan kópshilik týrdyń ekinshi nysany balalarǵa arnalǵan keshendi ońaltý, diagnostika jáne keńes berý qyzmetterin kórsetetin «Qamqorlyq» ońaltý ortalyǵyna bardy. Ortalyq jylyna 600 balany tegin qabyldaidy. Aita keteiik, «Samuryq-Qazyna» qorynyń qoldaýymen «Qamqorlyq» jobasy aiasynda 2020 jyldan bastap Qazaqstannyń barlyq óńirinde 15 ońaltý ortalyǵy, 16 inkliýziiany qoldaý kabineti jáne 7 erte aralasý ortalyǵy ashyldy, olardy tolyq jabdyqtaý úshin 3 mlrd teńgeden astam qarajat bólindi.
Qor árdaiym áleýmettik osal sanattaǵy azamattardy qoldaýǵa erekshe nazar aýdaryp keledi. Bul baǵytta Atyraý oblysynyń Isker áielder qaýymdastyǵynyń jobasy kórsetildi, joba sheńberinde jalǵyzbasty jáne kópbalaly analar, jumyssyz áielder ózderiniń qarjylyq táýelsizdigin qamtamasyz etý úshin kásibi daǵdylar men naqty kómek ala alady. Qaýymdastyq uiymdastyrǵan kýrstar 100 áielge arnalǵan. Olar oqýdan keiin óz isin ashý úshin taýar túrinde grant alyp, 50%-y óz biznesin ashýǵa múmkindik ielenedi de, 30%-y jumysqa ornalasady. Jobanyń biýdjeti 48 mln teńgeni qurady.
Press-týr baǵdarlamasyndaǵy sońǵy nysan «Malenkaia strana» áleýmettik qalashyǵy boldy. Onda múmkindigi shekteýli jandardy ońaltý úshin eńbek terapiiasy, ippoterapiia ádisteri paidalanylady, sonymen birge sharýashylyqty júrgizý úshin «jasyl tehnologiia» qoldanylady.
Biyl «Samuryq-Qazyna» qory shaǵyn gibridti jel-kún elektr stantsiiasyn jáne sharýashylyq ǵimarattar men ákimshilik úi-jailarǵa arnalǵan konvektorlyq jylytqyshtardy satyp alý úshin «Atyraý». Malenkaia strana» QB bastamasyna qoldaý kórsetti. Bolashaqta osy qurylǵylardyń arqasynda áleýmettik qalashyqta elektrmen jabdyqtaý tolyǵymen avtonomdy bolady. Jobanyń quny 37,5 mln teńgeni qurady.
Baspasóz týryna qatysýshylar Atyraýdaǵy «Samuryq-Qazyna» qorynyń áleýmettik jobalaryna joǵary baǵa berip, óz áserlerimen bólisti:
«Ár adamnyń mindeti – balalaryna jaqsy tárbie berip, aiaqqa turyp ketýine kómektesip, laiyqty adamdy tárbielep shyǵý. Búgin osy oraida, memleket pen «Samuryq-Qazyna» qory tarapynan atqarylyp jatqan jumystardy kórip, qýanyp otyrmyz. Múmkindigi shekteýli balalarǵa arnalǵan igi isterińiz úshin erekshe alǵys bildirgim keledi», - dep oiymen bólisti Atyraý qalasy Ardagerler keńesiniń tóraǵasy Keńes Qosybaev.
«Úkimettik emes uiym ókilderi «Samuryq-Qazyna» qorynyń óńirimizde júzege asyryp jatqan áleýmettik jobalaryn muqiiat qadaǵalaýdamyz. Búgingi qordyń jumysy ashyq ári túsinikti bolǵanyna qýanyshtymyz. Búgingi baspasóz týry Qordyń biylǵy jumys nátijelerin kórsetti, biz sharadan erekshe balalarǵa, áleýmettik osal sanattaǵy áielderge, múmkindigi shekteýli jandarǵa arnalǵan ózekti jobalardy kórip otyrmyz. Bul qordyń imidjine oń áser etedi jáne halyqtyń senimin arttyrady», - dep atap ótti «Aqparat» QB tóraǵasy, Atyraý oblysy qoǵamdyq komissiiasynyń múshesi Gúljan Elesheva.
Atyraý qalasynda júzege asyrylǵan áleýmettik nysandar boiynsha baspasóz týryna «Samuryq-Qazyna» AQ portfeldik kompaniialarynyń oblystyq filialdarynyń basshylary da qatysty. Qordyń qaiyrymdylyq qyzmetin júzege asyrý kezinde Qor kompaniialar tobynyń kásiporyndary ornalasqan óńirlerge erekshe nazar aýdarylady.
«Júielik qaiyrymdylyq kóptegen adamdarǵa kómektesýge múmkindik beredi. Bizdiń mindetimiz-jergilikti jerlerde «Samuryq-Qazyna» AQ biryńǵai qaiyrymdylyq operatory arqyly áleýmettik mańyzdy jobalardyń baǵytyn anyqtaý jáne jergilikti ÚEU - ǵa kómektesý», - dep bólisti «KEGOC» AQ Batys filialynyń metrologiia qyzmetiniń basshysy Abzal Baqitov.
BAQ ókilderiniń nazaryna: 24 jáne 25 qarashada áleýmettik nysandar boiynsha baspasóz týry Mańǵystaý oblysynda jalǵasady, ondaǵy jurtshylyqtyń nazaryna Jańaózen jáne Aqtaý qalalaryndaǵy «Samuryq-Qazyna» kompaniialar toby atynan qarjylandyrylǵan jobalar usynylady.
