Astanada "Samuryq-Qazyna" AQ kompaniialar tobynda shamamen 650 qyzmetkerdi qysqartý josparlanyp otyr. Bul týraly basqarma tóraǵasy Nurlan Jaqypov málimdedi, dep habarlaidy Dalanews.kz.
Onyń aitýynsha, elordadaǵy top quramynda 6,5 myńǵa jýyq adam jumys isteidi. Qysqartý osy sannyń 10 paiyzyna jýyq bóligin qamtidy. Alaida óndiristik qyzmetkerlerge bul ózgeris áser etpeidi.
"Qysqartý ákimshilik-basqarý baǵytyndaǵy qyzmetkerlerge qatysty bolady. Óndiristik ujymdar men filialdar qysqarmaidy. Sheshim qabyldaýda qyzmetkerlerdi baǵalaý júiesi men KPI kórsetkishteri eskeriledi", - dedi Jaqypov.
Qysqartý sharalaryn naýryzdyń sońyna deiin aiaqtaý josparlanǵan. Ótemaqy máselesine qatysty naqty soma aitylmady. Basshylyqtyń málimetinshe, tólem sharttary bólimshelerge bailanysty ártúrli bolýy múmkin.
Eske salaiyq, buǵan deiin "Samuryq-Qazyna" qoryna naqty talap qoiyldy.
"Samuryq-Qazyna" qory jáne ulttyq kompaniialardyń basshylarymen qatań áńgime boldy. Kompaniialardyń qurylymyn túbegeili qaita qarap, jańa zamanǵa beiimdeý kerek. Qosshydan basshy kóp. Basshylyq quramy el aityp júrgendei, "sol jaǵalaýdyń" adamdaryna tolyp qalǵan. Olardyń jumysqa kómilip jatqan eshteńesi joq. Keide ne isterin bilmei, áleýmettik jelilerde árkimmen pikir talastyryp otyrady. Bul túbi jaqsylyqqa aparmaidy. Infliatsiia deńgeii turaqtalyp, tómendegennen keiin naryq qaǵidattaryn kúsheitý kerek bolady. Damý institýttary biznespen jáne qarjy sektorymen tiimdi qarym-qatynas ornatýy qajet. Bul qatynas básekelestikke emes, ózara seriktestikke negizdelýi kerek. Elimizde investorlardyń qyzyǵýshylyǵyn arttyratyn salalar kóp. Osy salalardy damytý úshin memleket pen biznes arasynda syndarly yntymaqtastyq bolýǵa tiis", - dedi Memleket basshysy buǵan deiin.
