ونىڭ ايتۋىنشا، ەلورداداعى توپ قۇرامىندا 6،5 مىڭعا جۋىق ادام جۇمىس ىستەيدى. قىسقارتۋ وسى ساننىڭ 10 پايىزىنا جۋىق بولىگىن قامتيدى. الايدا وندىرىستىك قىزمەتكەرلەرگە بۇل وزگەرىس اسەر ەتپەيدى.

"قىسقارتۋ اكىمشىلىك-باسقارۋ باعىتىنداعى قىزمەتكەرلەرگە قاتىستى بولادى. وندىرىستىك ۇجىمدار مەن فيليالدار قىسقارمايدى. شەشىم قابىلداۋدا قىزمەتكەرلەردى باعالاۋ جۇيەسى مەن KPI كورسەتكىشتەرى ەسكەرىلەدى"، - دەدى جاقىپوۆ.

قىسقارتۋ شارالارىن ناۋرىزدىڭ سوڭىنا دەيىن اياقتاۋ جوسپارلانعان. وتەماقى ماسەلەسىنە قاتىستى ناقتى سوما ايتىلمادى. باسشىلىقتىڭ مالىمەتىنشە، تولەم شارتتارى بولىمشەلەرگە بايلانىستى ءارتۇرلى بولۋى مۇمكىن.

ەسكە سالايىق، بۇعان دەيىن "سامۇرىق-قازىنا" قورىنا ناقتى تالاپ قويىلدى.

"سامۇرىق-قازىنا" قورى جانە ۇلتتىق كومپانيالاردىڭ باسشىلارىمەن قاتاڭ اڭگىمە بولدى. كومپانيالاردىڭ قۇرىلىمىن تۇبەگەيلى قايتا قاراپ، جاڭا زامانعا بەيىمدەۋ كەرەك. قوسشىدان باسشى كوپ. باسشىلىق قۇرامى ەل ايتىپ جۇرگەندەي، "سول جاعالاۋدىڭ" ادامدارىنا تولىپ قالعان. ولاردىڭ جۇمىسقا كومىلىپ جاتقان ەشتەڭەسى جوق. كەيدە نە ىستەرىن بىلمەي، الەۋمەتتىك جەلىلەردە اركىممەن پىكىر تالاستىرىپ وتىرادى. بۇل ءتۇبى جاقسىلىققا اپارمايدى. ينفلياسيا دەڭگەيى تۇراقتالىپ، تومەندەگەننەن كەيىن نارىق قاعيداتتارىن كۇشەيتۋ كەرەك بولادى. دامۋ ينستيتۋتتارى بيزنەسپەن جانە قارجى سەكتورىمەن ءتيىمدى قارىم-قاتىناس ورناتۋى قاجەت. بۇل قاتىناس باسەكەلەستىككە ەمەس، ءوزارا سەرىكتەستىككە نەگىزدەلۋى كەرەك. ەلىمىزدە ينۆەستورلاردىڭ قىزىعۋشىلىعىن ارتتىراتىن سالالار كوپ. وسى سالالاردى دامىتۋ ءۇشىن مەملەكەت پەن بيزنەس اراسىندا سىندارلى ىنتىماقتاستىق بولۋعا ءتيىس"، - دەدى مەملەكەت باسشىسى بۇعان دەيىن.