Nazarbaevtyń jieni Kárim Másimovtyń barlyq tirlikterimen qosa, Qańtar oqiǵasyna kimniń qalai aralasqanyn, sheneýnikter men oligarhtardyń sol kúnderi shetelge aqshany qalai shyǵarǵanyn, bir sózben aitqanda tolyq shemany jaiyp salǵan.
"Endi biraz eks sheneýikter pen oligarhtardyń ústinen qylmystyq is qozǵaýǵa negiz bar. Samat Ábish tergeýge qundy aqparat berdi", - deidi, DALA INSIDE derekkózi.
Osy qundy aqparattyń ishinde Bolat Nazarbaevtyń balasy Nurbol Nazarbaev pen Qairat Satybaldyǵa qatysty biraz kompromat bar. Qairat Satybaldynyń abaqtyda ekenin eskersek, endi "Jańa Qazaqstan" Nurbol Nazarbaevpen ainalysatynyn boljaýǵa bolady.
Kem degende Nurbol Nazarbaevqa reiderlik jáne salyqtan jaltarý baptary boiynsha aiyp taǵýǵa materialdar daiyn. Kelesi aptada osy suraq boiynsha jabyq konsýltatsiialar bastalady.
Bolat Nazarbaevtyń imperiiasyn kúiretý marqumnyń qyrqynan keiin josparlanǵan bolatyn. Belgilengen merzim ótkendikten, zańsyz aktivterdi qaitarý boiynsha komissiia Bókeńniń barlyq balalaryndaǵy jáne tanys-juraǵatyndaǵy aktivterdi tekserýge kóshti. Bolat Nazarbaevtyń artynda 9 zańdy balasy, odan bólek onǵa jýyq zańsyz bala qaldy. Onyń ishinde báibisheniń uldary - Nurbol men Erbol Nazarbaevtardyń qoldary uzyn jáne barynsha kóp dúniege talasy bar. Sondyqtan memleket olarǵa kóbirek kóńil bóletin bolady.
https://dalanews.kz/news/98691-almatyda-myna-turgyn-uylerden-pater-s
