Samal Esliamovanyń jýrnalist bolmaǵany durys bolypty
Alaida bir baly ǵana jetpei, joly bolmaǵan ol Sábit Muqanov atyndaǵy Soltústik Qazaqstan oblystyq qazaq drama teatry janynan ashylǵan akterlik sheberlik kýrstaryna amaldyń joǵynan bara salǵan.
Endi mine, onyń somdaǵan basty róline Kann festivalinde álemdik kino maitalmandarynyń ózderi aiaqtarynan tik turyp qol shapalaqtady.
Shymkenttiń týmasy, rejisser Sergei Dvortsevoi men Samal Eslámovanyń bul Kanndaǵy ekinshi jeńisi.
Osydan on jyl buryn Samal basty róldi oinaǵan «Tiýlpan» filmi de bir atalym boiynsha jeńimpaz atanǵan edi. Araǵa on jyl salyp mundai qurmetke onyń «Aika» atty týyndysy da laiyq dep tanyldy.
Samal onda Máskeýge kelgen gastorbaiter qyrǵyz qyzyn somdaidy. Jat elde balasyn bosanǵan keiipkerdiń taǵdyry qazylar alqasyn beijai qaldyrmady.
Birden «Eń úzdik áiel róli» atalymy boiynsha bas júldeni berdi. 34 jastaǵy Samal Eslámova Soltústik Qazaqstandaǵy Aralaǵash aýylynda týyp ósken. Mektep bitirgen soń ákesi ony qalaǵa jýrnalistika fakýltetine túsirýge ákelipti.
Joly bolmai, jergilikti teatrǵa bas suqqan. Keiin Samal Máskeýdegi GITIS-ty támamdap, rejisser Sergei Dvortsevoimen jumys istei bastaidy. Onyń ata- anasy Petropavl qalasyna bir bólmeli páterge aýyldan jýyrda kóship kelgen. Baqyttan basy ainalǵan Iliias pen Gúlmairany kórshi-qolańmen birge oblys atqaminerleri de quttyqtady.
– El-jurtymyz qýanyp jatqanda, búkil halqymyzǵa rizamyn. Bizdiń ǵana qyzymyz emes, osy oblystyń aýdannyń, Aralaǵashtyń qyzy. Sondyqtan biz qýanyshtymyz. Búkil jurtqa rizamyz, – deidi Samal Eslámovanyń ákesi Iliias Eslámov.
Avtor: Gúlmira TASBOLATQYZY
