Saltanat Núkenova qaitys bolǵan túni Bau meiramhanasyna Resei prezidenti Vladimir Pýtinniń delegatsiiasy kelýi kerek bolǵan. Bul týraly ekinshi aiyptalýshy Baqytjan Baijanov aitty, - dep habarlaidy Dalanews.kz.
Baijanovtyń sózinshe, Astanaǵa kelgen reseilik delegatsiia meiramhanadaǵy Vip-bólmeni jalǵa alǵan.
"2023 jyly 9 qarashada Resei prezidenti Qazaqstanǵa keldi. Uiymdastyrýshylar Bau meiramhanasyndaǵy Vip-bólmede banket uiymdastyrmaq bolǵan", - deidi Baijanov.
Sýdia bul aqparattyń iske qatysy joǵyn aitty. Alaida jábirlenýshi taraptyń advokaty bul aqparattyń iske qatysy baryn, osy sebepti Baijanov pen Bishimbaev Saltanattyń denesin alyp shyǵa almaǵanyn aitty.
"Olar RF basshysynyń delegatsiiasy bolatynyn bilip, Saltanattyń denesin alyp shyǵa almaǵan", - deidi advokat Janna Orazbahova.
Buǵan deiin Baijanov qaiǵyly oqiǵa bolǵan kúni meiramhanada ne bolǵanyn aitqan bolatyn. Ol Saltanat Núkenovany birneshe ret kórgenin aitty.
"Saltanattyń bir kózi isip turǵanyn kórdim. Vip-bólmeniń ishiniń astań-kesteńi shyǵyp jatty, dárethananyń esigi qiraǵanyn kórdim. Tańerteń gastroortalyqqa kelgen kezde Bishimbaev túni boiy shý shyǵaryp, ishimdik iship, Saltanatty kezekti ret uryp tastaǵanyn bilip keldim. Bul týraly gastroortalyqqa keler aldynda habardar boldym. Biraq ol kezde eshteńe túsinbedim. Saltanatqa qaýip tónip turǵanyn, ólim men ómirdiń ortasynda turǵanyn bilmedim. Bul aqtalý emes. Men ol jaqta (bólmede) shyn máninde ne bolyp jatqanyn kóre almadym.
Bul meniń kinám jáne men oǵan qatty ókinemin. Eger nazar aýdaryp qarasam múlde basqa jaǵdai bolar edi. Endi amal ne? Men ýaqytynda kómektese almasam da Saltanattyń jaqyndary meni keshire alady dep senemin", - deidi Baijanov.
Ol Saltanat meiramhanaǵa buryn da jii kelgenin aitady.
"Óte meiirimdi edi. Meiramhana qyzmetkerleri Saltanat tarapynan eshqandai dórekilik kórgen emes. Ony kez kelgen qyzmetker rastai alady. Sol túni ne bolǵanyn aityp bereiin. Men 33-temin, qarapaiym otbasynan shyqqanmyn. Áielim, úsh balam bar. Meniń kesirimnen olar da zardap shegip otyr. Olardan da, ata-anamnan da keshirim suraimyn", - deidi Baijanov.
Baijanov gastroortalyqta 2022 jyldan beri direktor qyzmetin atqarǵan.
