Salalyq jýrnalısıkany damytý mańyzdy dúnıe ekenine pandemıa kezinde kózimiz anyq jetti. Elimizde medısına taqyryby boıynsha indetip jazatyn jýrnalıserdiń tym az ekenine kózimiz jetti.
Qazir Qazaqstanda ekonomıka, saıasat, sport, mádenıet taqyrybynda qalam terbeıtin jýrnalıser barshylyq. Al budan ózge taqyryptar belden qazyp jazyp júrgen jýrnalıser joqtyń qasy.
İrgemizdegi kórshi Reseıdiń aqparattyq keńistigine kóz salsańyz, salalyq jýrnalısıkany aıtpaǵan kúnniń ózinde naqty bir salalarǵa arnalǵan gazet-jýrnaldar, saıttar men telearnalar jumys isteıtinin kórýge bolady. Kórshimiz áskerı qýatty el bolǵandyqtan, bul elde taza áskerı baǵytta habar taratatyn telearna bar. Budan basqa, ǵylymı-tehnıkalyq jańalyqtar boıynsha jan-jaqty aqparat taratatyn telearnalary da jumys isteıdi.
Aldaǵy ýaqytta bizde tutastaı telearna qurmasaq ta medısına, ǵylym salasyn indetip jazatyn jýrnalıser shoǵyryn qalyptastyrýǵa bolady. Árıne, bul rette tórt-bes jýrnalıske bola tutastaı telearna ashýdyń qajeti joq. Óz taqyrybyna adaldyq tanytyp júrgen jýrnalıser Iýtýbtan arnaıy kanaldar ashyp, jan-jaqty jumys istese, salalyq jýrnalısıka birtindep bolsa da damıtyny belgili.
Osy rette Iýtýb kanal ashyp, salalyq jýrnalısıkany damytýǵa úles qosyp júrgen áriptesterimizdi QR Aqparat jáne qoǵamdyq damý mınıstrligi qoldaý jumystaryn qolǵa alýy kerek dep esepteımiz. Aqparat mınıstrligi salalyq jýrnalısıkany damytýǵa udaıy kóńil bólip keledi. Muny memlekettik tapsyrys kezindegi taqyryptardan anyq baıqaýǵa bolady.
Qalyptasqan zańdylyq boıynsha mınıstrlik gazet-jýrnaldar men saıttarǵa, teleradıoǵa memlekettik tapsyrysty usynǵanda barlyq taqyrypty qamtıdy. Ókinishke oraı, redaksıalar qandaı da bir taqyryp boıynsha memlekettik tapsyrysqa qol jetkizgennen keıin sol taqyryp boıynsha maqalalardy topyrlatyp jazyp, tapsyrysty oryndaýǵa tyrysady. Budan salalyq jýrnalısıka damyp ketpeıtini belgili.
Sondyqtan memlekettik tapsyrysty bergen kezde jýrnalısıkamen aınalysyp júrgen jýrnalıserge berýdiń amalyn qarastyrý kerek. Sol kezde bir salanyń sońynda júrgen jýrnalıser óz taqyrybyn indetip jazyp, salalyq jýrnalısıkanyń kósegesin kógertýi múmkin. Osylaısha, elimizdegi salalyq jýrnalısıkany damytýǵa bolady.
Nurlan Jumaqanov
