Sáken Maıǵazıev otbasylyq ómiriniń bastapqy kezeńderinde páterden-páterge kóshýge májbúr bolǵandaryn aıtyp berdi. Ol tipti jylýmen durys qamtylmaǵan jataqhanalarda turǵan kórinedi.
– Sýrette Ádilet ekeýimizdiń uıqyny teýip jatqan kezimiz. Kıimimizben qaraǵanda úı sýyq-aý. Jataqhanadan jataqhanaǵa, páterden-páterge kóship júrgen kezimiz ǵoı. 2000 jyldar shamasy. Alla taǵala barshamyzǵa jaqsy tús kórýdi násip etkeı, – deıdi Sáken Maıǵazıev.
Jazbany oqyǵan jurt tań qalysty. Sebebi, Sáken Maıǵazıev jýyrda ǵana úıiniń aýlasyn vıdeoǵa túsirip, óziniń qymbat keshende turatynyn baıqatqan bolatyn.
Dese de, olar ánshiniń otbasyna aq tilekterin jaýdyryp jatty. “Sondaı súıkimdisizder, ásirese balalaryńyz”, “Súıkimdi bolyp uıyqtaıdy ekensiz”, “Sol kezdegi keremet beıne, sol kezdegi qym-qýat tirshilik qoı”, Ómirińizdiń mándi de sándi bolýyna shyn júrekten tilektespin” dep jazady jeli qoldanýshylary.
