Almatyda Medeý aýdanynyń prokýratýrasy "Medeý" tabiǵi parkinde zańsyz berilgen jer telimderin anyqtady, - dep habarlaidy Dalanews.kz.
Erekshe qorǵalatyn tabiǵi aýmaqtardy alyp jatqan jerler jeke menshikte bola almaidy. Alaida 2020 jyly tabiǵi park aýmaǵynda jeke tulǵalar aýdany 35 gektar 10 jer ýchaskesine menshik quqyǵyn tirkegen bolyp shyqty.
"Buǵan Gornooktiabr aýyl ákimshiliginiń 1994-1997 jyldardaǵy jer ýchaskelerin bólý týraly sheshimderiniń bar ekendigi jóninde muraǵattyq anyqtamalar negiz boldy.
Muraǵattyq anyqtama quqyq belgileitin qujat emes ekenine qaramastan, tirkeýshi organ menshik quqyǵyn zańsyz tirkegen", - dep jazylǵan habarlamada.
Almaty qalasynyń prokýratýrasy bul anyqtamalardy jáne jer telimderin ielikten shyǵarý jónindegi keiingi mámilelerdi jaramsyz dep taný týraly sotqa júgindi.
Sot sheshimimen prokýrordyń talap-aryzdary qanaǵattandyrylyp, "Medeý" tabiǵi parkine kadastrlyq quny 3 milliard teńge somasyndaǵy jer qaitaryldy.
Aita keteiik, Baqytjan Saǵyntaev 2019 jylǵy 28 maýsym men 2022 jylǵy 31 qańtar aralyǵynda Almaty qalasynyń ákimi qyzmetin atqardy.
