Saǵyntaev shendilerge halyqtyń ashýyn týdyrmaýdy tapsyrdy
– Mindetti áleýmettik meditsinalyq saqtandyrýdy engizý jumystaryn júrgizip jatyrmyz. Bul másele árbir qazaqstandyq úshin mańyzdy. Densaýlyq saqtaý ministrligi men jumys berýshiler tarapynan naqty tiimdi jumystar jasalýy kerek. Elbasy Úkimettiń keńeitilgen otyrysynda halyqqa keńinen túsindirý jumystaryn júrgizýdi tapsyrǵan bolatyn. Qazir jumystar istelip jatqanyn bilemin. Biraq, sonda da belsendilik tómen. Áleýmettik jelilerde, internette túsindirý jumystary azdaý. Sarapshy mamandardyń pikirleri de berilip jatqan joq, – deidi B.Saǵyntaev.
Úkimet basshysy «Youtube» jelisinde shyqqan mindetti áleýmettik meditsinalyq saqtandyrýǵa qatysty beinrolikti kórip shyqqanyn da aityp ótti.
– Ótken jyly ádeii «Youtube» jelisinde shyqqan mindetti áleýmettik meditsinalyq saqtandyrýǵa qatysty beinerolikti qarap shyqtym. Biraq, adamdar bul týraly bilmeitin siiaqty. Qarylymy 10 aida 4 myńnan aspaǵan. Jalpy, sol rolikti jasaǵan adamdar men tek qyzyǵýshylyq tanytqandar ǵana qaraǵan sekildi. Endi sol úshin kóp jumys atqarý qajet. Eger biz bul jumysty oryndai almasaq, xalyqtyń ashýyna iligemiz. Osy rette Densaýlyq saqtaý ministrligi ákimdermen birge túsindirý jumystaryna basa nazar aýdarýy tiis, – deidi Premer-ministr.
