Saǵyntaev: «Jańa Almatyny» damytý jospary qala turǵyndarynyń negizgi qajettilikterin sheshedi
Baqytjan Saǵyntaevtyń aitýynsha, pandemiia qalaǵa qosylǵan aýmaqtardaǵy shaǵyn aýdandardyń infraqurylymyn jaqsartý jónindegi jobalardy iske asyrýǵa túzetýler engizgen. Alaida, qoiylǵan mindetter júieli túrde sheshilýde.
Aǵymdaǵy jyly «Jańa Almaty» keshendi jospary qala shetindegi problemalardy sheshýge ǵana emes, ekonomikalyq ósýge de jumys isteidi. Jalpy, jospar aiasynda aǵymdaǵy jyly 286 joba iske asyrylý ústinde, 73 joba bolashaqqa qarastyrylǵan.
Biyl 24 shaǵyn aýdanda 92 km sý qubyry jáne 77 km káriz jelileri tartylyp, 36,5 myń úidi qamtydy. Nátijesinde qala turǵyndarynyń 98,5%-y jyl sońyna deiin sapaly aýyz sýmen qamtamasyz etiledi.
«Jańa Almaty» Keshendi jospary aiasynda uzyndyǵy 6,6 km Abai dańǵyly men Sain jáne Áýezov kóshelerin úńgileý júrgizilýde. Úsh jolairyǵynyń qurylysy aiaqtalyp qaldy.
Almatynyń «ońtústik» aimaǵynda elektr energiiasynyń tapshylyǵyn joiý úshin «Almagúl» qosalqy stantsiiasy salynýda. Qýat ósimi shamamen 100 MVT quraidy. Sondai-aq, «Kaskad» qosalqy stantsiiasynyń qurylysy aiaqtalýda, qýattylyq ósimi – 64 MVT. Osy jobalardy iske asyrý «ońtústik» aimaqtyń 450 myńǵa jýyq turǵynyn elektrmen úzdiksiz qamtamasyz etýge múmkindik beredi.
Qalaǵa qosylǵan Alataý, Naýryzbai jáne Túrksib aýdandarynyń aýmaqtarynda 2021 jyly elektr jelilerin rekonstrýktsiialaý boiynsha qurylys-montajdaý jumystary bastaldy, bul 30 myńnan astam tutynýshyny sapaly elektrmen jabdyqtaýdy qamtamasyz etedi.
Sonymen qatar, Almaty ákimdigi kerneýi 110-220 kV elektr berýdiń áýe jelilerin kabelge aýystyrý bolashaqta 2035 jylǵa deiin Almaty qalasynyń elektr jelilerin 2030 jylǵa deiin damytý syzbasyn ázirleýde.
Aýla aýmaqtaryn jaryqtandyrý boiynsha JSQ ázirlendi.
Jobada 486 aýlada syrtqy jaryqtandyrý jelilerin ornatý josparlanǵan. Jobany iske asyrýdyń aldyn ala merzimi 2022 jylǵa josparlanǵan.
Keshendi jospar aiaqtalǵannan keiin Almaty turǵyndarynyń negizgi bazalyq qajettilikteri sheshiletin bolady, olar ortalyqtandyrylǵan sýmen jabdyqtaýmen jáne sý burýmen, úzdiksiz energiiamen jáne gazben jabdyqtaýmen tolyq qamtamasyz etiledi.
