Qazaqstannyń resmı bas gazeti "Egemen Qazaqstan" sońǵy ýaqytta buqarashyl basylymǵa aınaldy. Buryn sońdy bolmaǵan tyń bastama jasap, talapkerlerge arnap, Ulttyq biryńǵaı testileýdiń suraqtaryn jarıalap otyratyn boldy. Gazet ishindegi bul kitapshadaǵy suraqtarmen endi myńdaǵan talapker daıyndalatyn bolady.
Biraq, bul tyń bastama ekinshi jaǵynan Bilim jáne Ǵylym mınıstrliginiń olqylyqtaryn da taıǵa tańba basqandaı kóz aldymyzǵa ákele qoıatyn boldy. Mysaly, "Egemen Qazaqstannyń" 1 naýryzyndaǵy sanyndaǵy (sýrettegi) suraqqa qarańyzshy.
Qazaqstannyń búkil baspasózin jaýlap alyp, kúni-túni ishken-jegenin jyr qylatyn "juldyzdarymyz" endi ǵylymı aınalymǵa aýyz sala bastapty.
Ermek Tursynov - rejıser. Biraq, onyń týyndylary UBT-da suraq bolatyndaı deńgeıge jetken joq dep oılaımyz. Al, Baıan Maqsatqyzy men Nurlan Adambaevqa qatysty jaq ashpaýdy jón sanaımyz. Bizdiń balalar olardyń týyndylaryn ǵylym dep tanıtyn bolsa, Qazaqstannyń bolashaǵynyń bulyńǵyr ekeni aıdan anyq dúnıe...
UBT-da dál osyndaı túsiniksiz hám kúlkili suraqtyń júrýi bizdiń bilim mınıstrliginiń "bilimsizdigin" kórsetedi. Olar endi UBT suraqtaryn gazetterdegi suhbattar negizinde daıyndaıtyn bolǵan sekildi.
Mundaı mazaqy isterge qashanǵy shydaýǵa bolady? Aıtyńyzshy, Saǵadıev myrza!
Sháriphan Qaısar
Derekkóz: Abai.kz
