Saakashvili Grýziiaǵa sút ónimderin tasityn kólikpen kirgen
Mekeme málimetinshe, Saakashvili Ýkrainanyń Chernomorska jerinen Grýziianyń Poti qalasyna bet alǵan «Vilniýs» kemesinde bolǵan. 29 qyrkúiekke qaraǵan túni keme Poti portyna toqtap, ishinen sút ónimderi toltyrylǵan júk kóligin shyǵarǵan. Sonyń ishinde Saakashvili de bolǵan. Prokýratýra Saakashvilidiń uialy telefonynan kemede bolǵan video, foto sýretter alǵanyn jariialady.
«RIA Novosti» agenttiginiń habarlaýynsha, Saakashvilidi shekaradan ótkizýge kómektesken úsh adam ustalǵan. Olardyń biri – sol sút ónimderin tasyǵan kólik júrgizýshisi Elgýdje Tsomae. Qalǵan ekeýi Poti portynyń qyzmetkerleri bolǵan. Sársenbi kúni taǵy bir adamnyń ustalǵany habarlandy. Ol da kólik júrgizýshisi bolǵan.
1 qazanda Mihail Saakashvili Grýziiaǵa oraldy. Ol qazir Rýstavi qalasyndaǵy túrmede otyr.
