مەكەمە مالىمەتىنشە، سااكاشۆيلي ۋكراينانىڭ چەرنومورسكا جەرىنەن گرۋزيانىڭ پوتي قالاسىنا بەت العان «ۆيلنيۋس» كەمەسىندە بولعان. 29 قىركۇيەككە قاراعان ءتۇنى كەمە پوتي پورتىنا توقتاپ، ىشىنەن ءسۇت ونىمدەرى تولتىرىلعان جۇك كولىگىن شىعارعان. سونىڭ ىشىندە سااكاشۆيلي دە بولعان. پروكۋراتۋرا سااكاشۆيليدىڭ ۇيالى تەلەفونىنان كەمەدە بولعان ۆيدەو، فوتو سۋرەتتەر العانىن جاريالادى.
«ريا نوۆوستي» اگەنتتىگىنىڭ حابارلاۋىنشا، سااكاشۆيليدى شەكارادان وتكىزۋگە كومەكتەسكەن ءۇش ادام ۇستالعان. ولاردىڭ ءبىرى – سول ءسۇت ونىمدەرىن تاسىعان كولىك جۇرگىزۋشىسى ەلگۋدجە سوماە. قالعان ەكەۋى پوتي پورتىنىڭ قىزمەتكەرلەرى بولعان. سارسەنبى كۇنى تاعى ءبىر ادامنىڭ ۇستالعانى حابارلاندى. ول دا كولىك جۇرگىزۋشىسى بولعان.
1 قازاندا ميحايل سااكاشۆيلي گرۋزياعا ورالدى. ول ءقازىر رۋستاۆي قالاسىنداعى تۇرمەدە وتىر.
