Osylaisha Ádilbek Niiazymbetov sekildi Maniýrova da Olimpiadanyń eki ret kúmis júldegeri atandy. Alaida ol bir kúmisin Resei quramasy qorjynyna salǵan bolatyn.
Ol London olimpiadasynda qola júlde oljalaǵan bolatyn. Al onyń aldynda Pekin olimpiadasyna Giýzel Maniýrova Resei atynan qatysyp, kúmis alǵan. Ol osylaisha úsh olimpiadaǵa qatysyp, barlyq júlde túrin alyp kórgen tuńǵysh áiel balýan atandy.
Maniýrova osyǵan deiin, jartylai finalda Reseidiń 2010-2011 jyldardaǵy birneshe márte chempiony Ekaterina Býrkinaǵa qarsy kúreste naǵyz sporttyq sensatsiia jasaǵan edi.
Upai jaǵynan utyla tursa da, Giýzel Maniýra jekpe-jekti óz paidasyna taza jeńispen aiaqtaǵan. Aiqastyń sońyna deiin 8 sekýnd qalǵanda qazaqstandyq balýan reseilik qarsylasyn shalqasynan sulatyp saldy.
Budan buryn Olimpiadanyń alǵashqy beldesýinde ol Eýropa chempiony, vengrlik Janett Nemetti 12.2 esebimen utyp, jekpe-jekti merziminen buryn aiaqtaǵan bolatyn.
Al osydan shamaly ýaqyt buryn 63 kelige deiingi salmaqta el namysyn qorǵaǵan Ekaterina Larionova qola júlde úshin tartysta AQSh sportshysy Elena Pirojkovany jeńip, Qazaqstan qorjynyna jetinshi qola medaldi salǵan edi. Al keshe altynshy qola medaldy taǵy bir balýan qyzymyz Elmira Syzdyqova jeńip alǵan bolatyn.
